Repsol YPF

 
Ferramentas e materiais
- Xuntas ou zapatas de estanquidade, segundo o uso e a zona de substitución.
- Chave inglesa.
- Alicates.

Os elementos da cisterna.
Para solucionar de forma rápida os pequenos problemas que se poden atopar nunha cisterna de inodoro, é fundamental coñecer cada un dos seus elementos. Non hai un modelo único, pero todos teñen, basicamente, as mesmas pezas:
Válvula de entrada de auga: por ela entra a auga do manguito que chega da toma, normalmente na parede. Péchase cando chegou ao tope marcado polo flotador.
Brazo flotador: regula os niveis de enchedura de auga para cortar a válvula de entrada.
Sifón: mecanismo que vai unido de xeito vertical ao orificio de desaugadoiro. Vai provisto de fortes xuntas de goma ou caucho -ou similar-, para evitar fugas. Accionado polo tirador, baleira a auga. De xeito automático ou premendo, se é de sistema aforrador, o eixe de peche do sifón cae evitando que a auga siga saíndo polo desaugadoiro.
Tirador ou mecanismo de presión, manubrio ou cadea segundo sexa o modelo. Serve para abrir o paso da auga cara á cunca tirando ou premendo.
Pezas ou parafusos de unión de cunca e cisterna, se as dúas partes están unidas. Co tempo tamén se deterioran, sobre todo as zapatas de estanquidade, e hai que cambialas.
 
Manguito roto.
O manguito é a peza de goma e rede metálica que une a toma coa entrada da válvula mediante sistema de rosca. Pode romper ou picar despois do uso ou por accidente. Non queda outro remedio que substituílo.
Pecha a chave de paso e desenrosca os dous puntos do manguito -o que vai á toma da auga e o da entrada de auga na cisterna-.
Coloca o manguito novo. Ten que ser do mesmo tamaño que o anterior e coa rosca axeitada.
Se só é un problema nas xuntas, cámbiaas.

Cisterna que gotea
. Poden ser varias as causas; pero o que está claro é que a auga segue entrando, aínda que aparentemente o depósito xa estea cheo. Se a barra do flotador está rota ou o flotador picado, segundo sexa a modelo, non fará a súa función de peche da válvula. Terás que cambialo, pero quizais sen necesidade de substituír a válvula.
Talvez o flotador, se é de barra metálica, se desaxustara. Podes regulalo, endereitalo ou torcelo, segundo necesidades, para que prema correctamente sobre a válvula de entrada e peche.
Hai varios modelos de válvula. Cando se deteriorou hai que substituílas. Desenrosca a man ou cunha chave inglesa. Ten dúas partes de roscado: unha fóra da parede da cisterna e a outra dentro, sempre con dúas xuntas de estanquidade.
Nalgúns modelos, o problema da válvula soluciónase limpando ou cambiando só a xunta de goma sobre a que preme o brazo do flotador.
 
Atoamentos no desaugadoiro
. Se o problema non é moi grave, poderás solucionalo con algún dispositivo que sirva de ventosa. Unha fregona e plásticos resistentes atados e formando unha especie de bóla, pódenlle servir. Preme arriba e abaixo.
Podes intentar tamén con algún arame, pero dobrado na súa punta para evitar danar as canalizacións.
Existen desatascadores mecánicos para avarías graves. O último será cambiar a saída cara á baixante xeneral da casa. É unha pequena obra de albanelaría.
 
Uns consellos
. Non empregar o inodoro como papeleira. Non todos os papeis se desfan igual coa auga e poden acabar provocando problemas, sobre todo se non existe unha boa conexión coa baixante ou esta é moi antiga.
En todos os traballos de arranxo da cisterna debes desaugar por completo e pechar a chave de paso. Hai unha chave na saída da toma de auga, se está colocada conforme á normativa. Se non, ou para maior seguridade, pecha a chave de paso xeral.