Repsol YPF

É un alimento nutritivo e de gran valor enerxético, con notábel proporción de potasio, calcio, magnesio e vitaminas, un elevado contido en proteínas de alta calidade e unha importante achega de fibra.  contén glícidos, prótidos (aminoácidos esenciais como histidina, lisina, isoleucina, tirosina, entre outros) e lípidos (especialmente lecitina).  Nela tamén se atopan saponósidos, vitaminas (especialmente do grupo B), encimas, ácido fítico e isoflavonas.  

Concretamente estas últimas son unhas substancias de orixe vexetal que, sen ser hormonas, manifestan propiedades estroxénicas que se unen aos receptores estroxénicos do corpo humano a pesar de non posuír a mesma estrutura química.  Están presentes nalgúns vexetais, aínda que as sementes de soia son as que as conteñen nunha proporción moito maior.  

A súa inxestión ten gran importancia, especialmente no organismo feminino, xa que as isoflavonas permiten regular o balance hormonal na muller, pudendo previr as osteoporose e ao tratarse dun potente fitoestróxeno pode actuar tamén como antioxidante retrasando o envellecemento celular, mantendo a saúde da pel e combatendo o colesterol. 
 
Alternativa á menopausa
A menopausa supón a interrupción definitiva das menstruacións e unha diminución progresiva na produción de estróxenos.  En consecuencia acostuman producirse síntomas como sufocacións, insomnio, dor de cabeza e depresións, entre outros.  

Os fitoestróxenos, substancias de orixe vexetal procedentes da soia, consúmense de forma habitual nos países asiáticos.  Ao longo dos anos, diferentes estudos demostraron os beneficios que supoñen as isoflavonas para a saúde.  Algunhas investigacións, centradas na poboación feminina xaponesa, comprobaron que esta presenta un índice menor de osteoporose, así como menos trastornos ligados á menopausa e unha case inexistencia de sufocacións, síntomas que acostuman padecer preto do 80% das mulleres europeas.   

A causa atoparíase na súa alimentación, moi rica en soia, que fai que presenten uns niveis de isoflavonas moito máis altos, responsábeis de diminuír os síntomas da menopausa relacionados cunha deficiencia estroxénica.  De feito, o consumo medio de isoflavonas na alimentación dunha muller asiática sitúase en torno a 45 mg. diarios, fronte aos 5 mg. dunha occidental.  Para paliar esta carencia, recoméndase incluír na alimentación unha maior cantidade de alimentos con fitoestróxenos, como as hortalizas, cereais e legumes, especialmente a soia.  
Porén e aínda que o efecto do consumo de soia na eliminación dos síntomas menopáusicos está probado, desde un punto de vista clínico, non está demostrado que teña os mesmos efectos que un tratamento hormonal substitutivo. 

Prevención contra a osteoporose 
Ademais dos síntomas antes mencionados, a menopausa é un factor de risco á hora de padecer osteoporose.  Esta enfermidade, que habitualmente afecta ás mulleres, provoca a redución do tecido óseo, o que supón que os ósos estean máis fráxiles e propensos a fracturarse.  

Porén, a maior achega de soia na alimentación asiática fai que o colectivo feminino presente uns índices de osteoporose menores que as mulleres europeas.  A soia é rica en calcio e a acción das isoflavonas favorecen a absorción deste porque as súas saponinas axudan a manter a densidade ósea, o que as converte nunha alternativa viábel para o tratamento da osteoporose tanto menopáusica como post-menopáusica.  Tamén se establece a similitude en estrutura química, entre as isoflavonas da soia e a ipriflavona, un medicamento empregado para inhibir a resorción do óso, a través dun mecanismo estroxénico.   

A soia comercialízase de diversas formas.  É habitual atopala en brotes frescos, que se poden engadir ás ensaladas ou á pasta, como gornición ou salteados con outras verduras.   A partir dos grans elabórase aceite rico en ácidos graxos poliinsaturados e moi apropiado para aderezar en cru, lecitina, un complemento que compensa o exceso de colesterol e axuda a combater o estrés e o envellecemento prematuro, fariña, salsa de soia, leite, iogures ou tofu, unha especie de queixo vexetariano que pode tomarse frío ou quente.