Repsol YPF

E é que se achega o momento de gozar en plenitude da época estival, sinónimo para moitas persoas de praia, sol e area. Despois de permanecer durante longos meses oculta baixos capas de roupa, nestas datas a pel volve asomar, para lucir pletórica nos longos días de verán.

Precisamente por estar a cuberto, a superficie cutánea precisa unha importante preparación antes de se expor ao sol e esta axuda vén, entre outras, da man do mundo gastronómico. É preciso que sigas unha alimentación axeitada e rica en determinados alimentos con propiedades antioxidantes, así conseguirás que o sol dane menos a túa pel. Cando a pel queda exposta durante un tempo excesivo e sen protección, pode envellecer antes de tempo. A razón é que as células se oxidan formando os chamados radicais libres que son os causantes  do envellecemento prematuro das células. 

Combater os radicais libres

Moitas verduras e froitas conteñen betacaroteno, un pigmento precursor da vitamina A. Trátase dun antioxidante que neutraliza os radicais libres que proveñen dos raios ultravioletas e de moitos outros factores do contorno. Estes betacarotenos – que son os que proporcionan a cor intensa a moitos alimentos - favorecen a síntese da melanina que, á súa vez, actúa como filtro natural dos raios ultravioletas. 

O betacaroteno atópase principalmente nas verduras de folla verde, (leituga, espinacas, acelgas, xudías …) e noutras como o cogombro e o tomate. Tamén está presente en froitas como o mango, o albaricoque, o melocotón, a sandía, o melón ou os froitos secos. 

Pero se hai unha hortaliza que se asocie co verán, sen dúbida son as cenorias, esenciais para prolongar o bronceado. Recoméndanse uns 100 gramos ao día,  que podes tomar ben en cru ou en forma de zumes. Por exemplo, o zume de cenoria, laranxas e tomate mestura os betacarotenos (vitamina A) da cenoria e do tomate,  que axudan á formación de melanina e protexen a pel. 

Se tomas todos os días cenorias, albaricoques ou melón, ademais de incrementar o teu bronceado, favorecerás tamén a hidratación da túa pel. Podes comelos crus ou cocidos, porque o betacaroteno non se altera. 

Vitamina C, función preventiva

A vitamina C da laranxa (antioxidante) prevén a pel do envellecemento solar. Non é recomendable tomar máis dun zume ao día. Estes alimentos debes comezar a incluílos na túa dieta con frecuencia un par de semanas antes de te expor ao sol. O kiwi e froitas como o pomelo, a laranxa, o limón ou a mandarina conteñen vitamina C. Esta vitamina participa na síntese de coláxeno, mentres que no tomate, o millo, o brócoli e a xema de ovo atópase o alfacaroteno, unha substancia que tamén protexe dos raios solares. 

Precisamente o tomate é unha excelente fonte de licopenos, outro antioxidante contra os radicais libres. O licopeno actúa xunto cos betacarotenos e a vitamina C, nutrientes que podes atopar especialmente nas espinacas e os pementos. Se queres aproveitar mellor o licopeno, prepara o tomate cocido. 

No caso dos peixes de augas frías, ricos en ácidos graxos como o salmón, as sardiñas, o atún ou o arenque, non só axudan a prolongar o bronceado senón que contribúen a reparar membranas celulares que se danasen durante unha exposición excesiva. 

Algúns minerais tamén resultan moi beneficiosos para compensar o proceso de oxidación. É o caso do zinc, presente nas ostras ou o selenio, contido en cereais, carne e ovos.  E se queres engadir un toque orixinal, podes probar a espirulina, unha alga que protexe dos raios prexudiciais do sol e tamén potencia o bronceado. Ademais de conseguir un estupendo bronceado, tanto as froitas como os  vexetais ofrécenche en verán a posibilidade de comelos en cru, en estupendas ensaladas que, ademais, te axudarán a adelgazar. 

Artigos relacionados

- “Operación bikini” saudable e racional