Repsol YPF

As graxas son, xunto coas proteínas e os hidratos de carbono, o conxunto de nutrientes máis importantes para o teu organismo. Fundamentais para o transporte de osíxeno ás células, están compostas basicamente por ácidos graxos e poden ser saturadas e insaturadas. O ácido alfa-linolénico ou omega-3 pertence a este segundo grupo e coñécese como ácido graxo esencial porque o organismo non o fabrica e debe inxerirse coa alimentación. 

Os ácidos graxos atópanse en alimentos que presentan un considerable contido de graxas, entre un 5% e un 25%. Os máis ricos en omega-3 son o peixe azul, preferentemente as especies mariñas e, en concreto, aquelas como as anchoas ou o atún que se alimentan de plancto (moi rico en omega-3). Por outra parte, algúns froitos secos como as améndoas, noces, certas fontes vexetais (sementes de lino, cánabos …) e algúns aceites vexetais (de liñaza, de noz …) conteñen importantes porcentaxes de ácidos graxos omega-3 na súa composición. 

Previr enfermidades

Este tipo de graxa axuda a controlar o nivel do colesterol, diminuíndo o LDL ou "malo" e aumentando o "bno" (HDL) e os triglicéridos en sangue. Tamén contribúe a reducir a presión sanguínea – sobre todo se se padece hipertensión -  e a controlar arritmias. Ten unha acción antiinflamatoria, axuda a manter a agudeza visual e o bo estado da pel, mellora a función pulmonar e reduce o asma. Así mesmo, favorece o desenvolvemento dos bebés antes e despois do parto. 

É importante que consumas alimentos que conteñan omega-3, incluso en conserva, polo menos dúas ou tres veces por semana. Pero non hai que abusar, porque un exceso de ácidos graxos no teu organismo pode aumentar o risco de padecer cálculos biliares e tamén pode supor dificultades dixestivas para absorber a vitamina E.  

Artigos relacionados

- A fibra, un aliado para a saúde