Repsol YPF

A dieta mediterránea sempre foi sinalada polos expertos, cociñeiros e amantes da boa comida, como unha das máis ricas e amplas, a nivel mundial. A abundancia de froitas, verduras, legumes, e peixes azuis fan desta dieta unha das máis sans e equilibradas que existen. Segundo demostraron diversos estudos, os países mediterráneos presentan a incidencia de mortaldade por enfermidades cardiovasculares máis baixa e unha das esperanzas de vida máis altas. O viño considerouse, xunto co pan e o aceite de oliva, un dos elementos esenciais e característicos da dieta mediterránea.

O consumo de viño é tan actual, como antigo. A evidencia máis antiga do cultivo da viña remóntase ao cuarto milenio antes de Cristo, en Mesopotamia. A elaboración desta bebida, ligada ao deus Baco, foi unha práctica corrente en Oriente Medio e parte de China hai 5.000 anos. Xa entón se coñecían as propiedades saudables do viño. Os primeiros consellos sobre as aplicacións terapéuticas deste manxar déronos pensadores como Hipócrates, Aristóteles, Platón ou Galeno, que describiron unha serie de virtudes e propiedades curandeiras ligadas ao consumo moderado do viño.

Razóns saudables

En moitas mesas españolas non falta o vasiño de viño á hora das comidas. Trátase de algo máis que dunha rutina culinaria. Hoxe en día son varios os estudos que demostraron os efectos beneficiosos do consumo moderado de viño e cava na saúde, sobre todo na prevención de enfermidades cardiovasculares.

Os principais responsables destas patoloxías son os polifenois. Estes compostos, procedentes da uva, actúan como antioxidantes, modificando os niveis de colesterol. Axudan a evitar a formación de trombos e a aparición de arterosclerose, que actualmente é a primeira causa de enfermidades coronarias. Debemos achegar mediante a alimentación a cantidade de antioxidantes que o organismo require. Neste sentido, unha dieta como a mediterránea, abundante en froitas e verduras, onde se inclúe a inxestión regular e moderada do viño, é altamente beneficiosa.

Malos hábitos

A cor, aroma, e o corpo do viño son apreciados por moitos. No lado oposto atopamos a tendencia actual, na que os malos hábitos rompen co equilibrio que achega a moderación no goce do viño. Hoxe en día, bebidas de maior graduación alcohólica están desbancando a boa costume da “copiña de viño”. O impacto das fortes bebidas alcohólicas sobre o noso organismo dista moito de ser saudable. As cervexas, cubatas, chupiños enchen as barras dos bares, onde cada vez é máis raro ver a unha maioría gozando dun bo viño.

A creación de novos conceptos como “o botellón”, tampouco axudan ao mantemento da saudable costume das dúas copiñas de viño ao día, que actúan como antioxidante e que sempre son un regalo para o padal. A considerable oferta vinícola no noso país fai que se desenvolvan negocios adegueiros, onde ven a luz viños tintos, brancos, rosados e espumosos. Moitos fixeron da súa paixón polo viño unha arte e estudan cada unha das súas características. En calquera caso, como ben di o refrán popular: “A nadie le hace mal el vino, si se bebe con tino”.

Artigos relacionados:

- Aromas de Portugal

- Un brinde polas festas