Repsol YPF

Senón en forma de primeiros pratos, especialmente en días de calor. Cada tempada ten os seus propios produtos, o que garante que sexan autenticamente frescos. Cando chega a calor, a froita convértese no alimento que máis apetece consumir. As súas innumerábeis variedades achegan fibra, que actúa como un fartante natural, regula a absorción intestinal e a de glicosa en sangue e vitaminas, dous dos nutrientes básicos para unha alimentación sa. Ademais, as froitas non achegan moitas calorías, xa que aproximadamente o 90% do seu peso é auga. 

A idea de engadir algún tipo de froita ás ensaladas cada vez é máis habitual. Ademais, as diferentes características e propiedades de cada unha destas achegan un matiz exclusivo e adecuado ao tipo de comida que se vaia organizar. Non obstante, cómpre ter en conta que hai froitas que non cómpre mesturar, porque poden provocar reaccións prexudiciais para o organismo. Non convén tomar cítricos pola tarde, non obstante as froitas doces se poden degustar ao longo de todo o día. Recoméndase evitar a combinación da piña e os lácteos ou a guaiaba con plátanos, que pode causar problemas de hiperacidez. A mazá acostuma ser a preferida á hora de preparar pratos salgados, así como os froitos secos, o melón, as fresas ou as peras, son habituais tamén nestas combinacións. 

Servilas frías
Pódese elaborar unha deliciosa mestura a base de melón, cogombro e gambas. Córtase o melón pola metade e, cun aparello especial, fanse boliñas coa súa polpa. O cogombro córtase en láminas finas e as gambas cócense e pelan. Por outra parte, prepárase unha salsa batendo iogur natural con aceite de xirasol, zume de limón, sal, pementa e unha culleradiña de azucre. Os ingredientes colócanse nun bol, alíñanse e a continuación énchese con eles a cáscara de melón baleira. É recomendábel deixala unhas horas na neveira para logo servila fría. 

A ensalada de laranxas, cebolas e cenorias, sen dúbida proporcionará unha vistosa presenza na mesa. A cebola e a laranxa pélanse e córtanse en rodas finas, mentres que as cenorias se relan, despois de quitarlles a pel. Dispóñense todas nunha ensaladeira e engádese perexil picado, sal, pementa e nata líquida para aliñar. Todo isto déixase repousar unha media hora na neveira e á hora de servilo preséntase ben en copas de boca ancha, ou ben en boles individuais, adornando por encima cunhas folliñas de perexil. Trátase dunha ensalada moi saudábel, diurética e depurativa, polas propiedades dos ingredientes que a conforman. 

Unha sinxelísima receita consiste en pór a macerar pasas de Corinto nun bol con zume de melocotón en xarope de azucre. Por outra parte, córtanse en anaquiños e pélanse ben varias peras e laranxas e mestúranse cos melocotóns. Engádense as pasas e bótaselle por encima o zume do melocotón.  

Agridoces e exóticas
Outra combinación refrescante consiste en pelar mazás, cenorias e endivias como ingrediente principal, cortalas en anacos pequenos e colocalas nunha ensaladeira, botándolles por encima ceboliño picado e sésamo. Para preparar a salsa do aliño mestúranse laranxas, o zume de medio limón, uva negra, aceite, sal e pementa e dúas culleradas de mel. Mestúranse ben todos os ingredientes e remóvense ben ata que o mel quede desfeita. A continuación, régase a ensalada con esta salsa e xa está lista para servir. Para gañar tempo, o aliño pódese deixar preparado pero non así as endivias e mazás, porque ao cortarse se oxidan e se escurecen. 

Unha combinación agridoce lógrase preparando unha ensalada de piña, pomelo e cangrexo. Córtase unha piña pola metade e a polpa en anaquiños e resérvase o zume. Por outra parte pélase un pomelo e déixanse os cuarteiróns sen pel. Esmiúzase a carne dunha lata de cangrexo, pélase e córtase unha mazá e régase con zume de limón. Colócanse os ingredientes nun bol, xunto cun pouco de millo doce escorrido. Paralelamente prepárase un aliño, mesturando varias culleradas de aceite con zume de piña, zume de limón, sal e pementa. Bótase todo sobre o bol, énchese con esta mestura a piña e sérvese moi frío. 

Se se prefire unha mestura con toques exóticos, pode cortar unha sandía pola metade e extraer a súa polpa. Por outro lado, córtase xamón serrán en pequenos taquiños e talos de palmeira anana rodas. Prepárase un aliño mesturando (a man ou co batedor) varias culleradas sopeiras de aceite de oliva, maonesa, zume de limón, un pouco de mostaza, sal e pementa. Se bota a salsa resultante sobre a ensalada e colócase no interior da sandía. Cómpre deixala unhas horas na neveira, porque canto máis fría estea, resulta máis saborosa.