Repsol YPF

Pero, máis alá das súas calorías, achegan nutrientes menos coñecidos que ofrecen beneficios e algúns prexuízos.
Os xeados constitúen o colofón perfecto a unha boa comida e unha lambetada coa que adozar o padal e combater as calores do verán a calquera hora do día. Case ninguén pode resistirse a eles e de aí a importancia de saber qué elementos nutricionais conteñen, que consecuencias pode traer para a saúde abusar do seu consumo ou cáles resultan máis saudábeis.

Xeados de leite ou de auga.
Atopamos dous tipos básicos de xeados:os elaborados con leite ou derivados lácteos e os que teñen como base a auga, os coñecidos polos. Ambos poden levar froitas e froitos secos, por suposto azucre, ingredientes como chocolate ou café, aromas e tamén colorantes.

Os xeados fabricados con produtos lácteos adoitan incluír ovo. Esta última combinación ofrece unha boa achega de calcio, proteínas e vitaminas A e B2. Por iso, son un alimento aconsellábel para os máis pequenos, xa que están formando o seu organismo e desenvolvendo os seus ósos. O azucre, que representa ata un 25 por cento do peso dos xeados, é unha excelente fonte de enerxía, mentres que das froitas se obtén a vitamina C, un prezado antioxidante.

Os xeados de xeo achegan pouca graxa e moita auga, e son de grande axuda cando o organismo perde boas cantidades desta.

Vantaxes...
Entre as vantaxes máis relevantes dos xeados destacan que axudan a combater a deshidratación que provocan as altas temperaturas, van ben se se realizan esforzos físicos importantes e están indicados, polo seu poderantihemorráxico, no postoperatorio de intervencións cirúrxicas de amígdalas. Igualmente resultan dixestivos e axeitados para persoas con problemas de mastigación.

E desvantaxes...
No apartado das desvantaxes atópase precisamente o seu contido en graxas saturadas, no caso dos xeados elaborados con leite ou derivados lácteos, que chega a ser dun 10 por cento e que non beneficia aos que sofren problemas cardiovasculares ou colesterol elevado. Tampouco son aconsellábeis para os que teñen quilos de máis ou están a realizar unha dieta para peder peso. Non obstante, en ambos os dous casos é posíbel optar polas variedades light, elaboradas con leites desnatados e edulcorantes.

Este tipo de xeados adoitan ofrecer unha achega graxa que non supera o 2 por cento e algúns inclúen frutosa en vez de sacarosa, que, ao ser máis adozante que esta última, require menos cantidade de produto para obter un sabor agradábel.

En resumo, pódese dicir que os xeados representan un bo complemento da dieta e unha persoa sa pode consumilos sen problemas sempre que o faga de forma moderada. E non se deben considerar só un produto vinculado ao verán, xa que é posíbel tomalos en calquera outra época do ano e beneficiarse así do seu contido nutricional, sobre todo se o consumo de lácteos non alcanza as cantidades recomendadas.  

Unha alternativa interesante pasa por elaborar os xeados na casa. Ademais de adecualos ás preferencias persoais de cada un, esta opción permite recortar a cantidade de graxa, de azucre e evitar o uso de aditivos como conservantes e estabilizantes. Mesmo se pode substituír o leite de vaca polo de soia ou utilizar infusións e tomalos como unha dixestiva sobremesa. Para preparar xeados caseiros, abonda con bater todos os ingredientes, introducilos no conxelador e volver bater a mestura cando estea fría, repetindo a operación cada pouco tempo. No caso dos polos, só hai que mesturar un pouco de azucre con zumes naturais e auga, e conxelar.