Repsol YPF

Non fai falta que te despraces ata terras italianas para poder gozar da súa gastronomía. Algúns dos seus pratos conquistaron o mundo e a proba a atopas na gran cantidade de receitas de sobremesas italianas que se poden saborear. 

Un clásico da súa repostería é o tiramisú. Para a súa elaboración precisas ovos, azucre en po, queixo mascarpone, unha ducia de biscoitos achampañados, café expreso frío, ron, unhas culleradas de cacao en po e sal. Comezas separando as xemas das claras e colócalas en distintos recipientes. Bates as xemas co azucre en po ata que obteñas unha crema homoxénea e agrégaslle o queixo mascarpone pouco a pouco. As claras bátense a punto de neve cun pouco de sal e únense á crema de queixo. Noutro recipiente mesturas o ron co café e pasas por esta mestura os biscoitos, sen que se cheguen a humedecer demasiado. Colócalos no fondo dunha bandexa e por riba a crema de queixo, bótase pola superficie cacao en po e déixalo no frigorífico unhas tres horas.

Repostería sinxela

Da Toscana italiana son típicos uns doces chamados cantuccini. Podes preparalos facendo un volcán de fariña á que se lle engade progresivamente azucre, un pouco de sal, pel de laranxa (sen a parte branca), varias sementes de anís e améndoas coa súa pel. Sobre todo isto rompes dous ovos e amásalo con coidado, engadindo un pouco de leite se a mestura quedase demasiado seca. Con esta masa fas dúas barras duns dous dedos de grosor, colócala na bandexa do forno e píntala con xema de ovo. Despois de enfornalas durante uns quince minutos a 190 ºC, córtalas en oblicuo para obter a forma clásica dos cantuccini e enfórnalos uns cinco minutos máis. 

A ciambella romagnola é outra sobremesa, similar a un roscón, que se prepara de forma similar. Preparas un volcán de fariña o que se lle engade en medio azucre, manteiga, vainilla e ovos. Bótaslle lévedo arredor do volcán e amasas soamente os ingredientes do interior. Engades leite e mestúralo todo ata conseguir unha masa homoxénea que hai que deixar repousar. Se queres, podes engadir as relas de limón. Despois, a estendes sobre a mesa cun rol ode amasar, énchelas con marmelada e péchalas. Por fóra, píntase con ovo e se lle engade azucre. O último paso é metela ao forno unha media hora, a unha temperatura de 180 ºC. 

Para terminar, algo suave

Despois dunha comida abundante, unha boa sobremesa pode ser a panna cotta, un doce procedente do Piamonte similar a un flan, aínda que de textura máis compacta. Podes elaboralo nos mesmos moldes dos flans ou nos de puding.  Nun cazo, colocas ao lume tona, leite e azucre e o removes ben todo ata que quede convertido nunha crema fina. Por outra parte, pos xelatina a remollar. 

Cando a tona rompa a ferver, retírala do lume pero segues dándolle voltas e uns dous minutos máis tarde agrégaslle a xelatina e continúas mesturando ben. Esta mestura resultante bótase no molde, déixase repousar un pouco e logo déixase no frigorífico unhas tres horas antes de servir. Cando vaias sacar esta sobremesa á mesa, podes acompañalo dunha crema de chocolate quente ou ben uns froitos vermellos. 

Artigos relacionados:

- Sobremesas con froitas

- As sobremesas esquecidas