Repsol YPF

Esta atractiva fórmula xa está arraigada en Francia, onde é fácil atopar menús de baixo custo deseñados por modernos chefs en locais urbanos. O seu nome, unha contracción dos termos bistrot e gastronomie foi acuñado nos anos 90 por Sebastién Demorand, un xornalista francés que detectou neste enfoque gastronómico un renacer en clave moderna dos bistrots, con menús accesibles asinados por chefs recoñecidos. 

Estes pequenos locais –hainos que tan só dispoñen de tres mesas-  evocan o encanto dos bistrot franceses, restaurantes de ambiente cálido e informal onde podes degustar a cociña do país galo pero cun matiz urbano. 

Persoal reducido

Tamén podes atopar espazos onde predomina a estética vangardista e case todos eles caracterízanse por ser negocios nos que traballa un reducido persoal atendendo unhas poucas mesas. Non se pode pasar por alto os elevados gastos que supoñen os arrendamentos de locais e os gastos de persoal, polo que é fácil atopar restaurantes deste tipo nos que traballan dous cociñeiros que, á súa vez, son camareiros. 

A súa oferta acostuma variar, dependendo da hora á que acudas. Ao mediodía, pagando entre 14 e 18 euros, podes gozar de pratos de alta cociña, elaborados con modernas técnicas e produtos de tempada, unha carta que se renova en función da dispoñibilidade de elementos. Algúns contan con varios menús degustación de diferentes prezos, con catro, seis e ata oito pratos. Outros decántanse pola cociña tradicional, con receitas de sempre. 

Xunto a estes pratos, moitos destes locais contan con interesantes cartas de viños, caldos con personalidade para acompañar esta cociña de altura. Xa pola noite, a oferta amplíase e ábrese paso a menús degustación e outro tipo de elaboracións máis complexas. Loxicamente, os prezos increméntanse pero sen chegar a ser excesivos. 

O fenómeno “low cost”

Este fenómeno low cost comézase a converter en algo xeneralizado. Todo está pensado para que a fórmula resulte rendible. En primeiro lugar, o prezo é básico, un reclamo para que o cliente se aproxime e repita noutras ocasións, tamén polas noites. 

A Bistronomie, tamén coñecida como Bistronomic é un low cost gastronómico con calidade. Os menús confecciónanse en función dos prezos do mercado estacional, que son os que inclinan a balanza cara a uns produtos ou outros. Na confección dos pratos reflíctese, así mesmo, que alimentos sinxelo como as verduras poden ser unha excelente base para numerosas receitas. O segredo está en utilizar produtos económicos de maneira enxeñosa, elaborando menús de calidade a un custo fixo. Por outra parte, ofrécense varias quendas de comidas en cada servizo e, desta forma, fai rendible o negocio.

Esta fórmula de comer alimentos de calidade, servidos con rapidez e a un prezo económico faise particularmente interesante no entorno da vida moderna, no que as esixencias laborais obrigan a un bo número de persoas a comer fóra da casa. A comida debe ser un momento de pracer e non se debe reducir a un intermedio no traballo para “petiscar algo”, de pé e con presas. 

Por outra parte, esta nova modalidade é tamén unha saída para os estudantes de cociña que, tras ter traballado cos mestres, desexan independizarse e decántanse por unha oferta diferente: formal pero ao mesmo tempo divertida.  

Artigos relacionados

- Tendas gourmet e delicatessen

- Spoleto, a imaxe do “fast urban”