Repsol YPF

Hoxe en día, o mundo dos electrodomésticos ofrece unha infinita variedade de modelos, desde os máis básicos ata os totalmente sofisticados. Unha das últimas novidades son as placas de gas-cristal, unha imaxe máis moderna e actual das tradicionais cociñas a gas. 

O certo é que as cociñas a gas mantiveron en todo momento o seu espazo no mercado e son moitas as persoas que as consideran como a forma de enerxía máis axeitada para conseguir o punto perfecto nas súas elaboracións culinarias, porque proporcionan unha calor máis precisa. Ademais, todos os queimadores poden funcionar á vez, de forma que é posible cociñar varios pratos de maneira simultánea, co conseguinte aforro de tempo e diñeiro. 

Tamén é certo que o transcurso dos anos levou a unha evolución dos modelos tradicionais. Desta forma as cociñas a gas contan coa última tecnoloxía e pódense atopar modelos con acendido electrónico para un manexo máis seguro, que permiten esquecer os mistos ou os acendedores eléctricos. Cada lume conta cun dispositivo que lanza chispas nunha determinada posición dos mandos e desta forma, a lapa prende automaticamente. 

Por outra parte, estes aparellos contan con avisadores acústicos, desconexións electrónicas de seguridade, indicadores de calor residual ou queimadores selados, que evitan os escorramentos e facilitan a súa limpeza. Algunhas marcas incluso contan cun sistema de gas-stop, que corta a saída de gas se hai un escape. 

Fornos programables

En canto aos fornos, hoxe en día é posible adquirilos de maneira independente, sen estar necesariamente encaixados na cociña. Ademais de dispor de acendido electrónico, contan coa posibilidade de programar o tempo de enfornado, de forma que o aparello se acende e apaga de maneira automática e logo mantén a comida quente durante unha hora. Desta maneira afórrase tempo, porque a comida pode estar lista para cando se chega a casa ou simplemente manterse quente ata o momento de servir. 

Pero non só se mantén a comida quente. Os modernos fornos multifunción contan tamén cunha sonda térmica que se insire no alimento e permite controlar a temperatura deste. Unha vez que se acada a temperatura desexada, a regulación electrónica desconecta o aparello de maneira  automática. Por outra parte, pódense atopar fornos que dispoñen de diferentes zonas de temperatura. 

Outra das facilidades dos novos aparellos é que xa non é necesario investir tempo en limpar os fornos. Entre as súas funcións, moitos aparellos contan cunha función pirolítica que, ao seleccionarse, acada temperaturas de ata 500º. 

A calor intensa descompón os restos de sucidade e convérteos en cinzas que se eliminan facilmente cun pano húmido, co que se evita a utilización de produtos químicos e contaminantes. Outra vantaxe desta función é que supón un consumo enerxético moi baixo. Algúns fornos incluso permiten programar o inicio e o fin do ciclo da limpeza pirolítica para aproveitar as tarifas nocturnas.

Estes electrodomésticos contan tamén con mecanismos electrónicos para controlar as funcións do forno, entre estas a opción de apagado automático. Con esta, se o forno queda acendido accidentalmente, prográmase para apagarse automaticamente despois de 12 horas, aínda que estea apagado automático pódese estender ata 72 horas.

Artigos relacionados

- A cociña, ese espazo descoñecido

- O regreso dun clásico