Repsol YPF

En xullo de 2003, a Unión Europea aprobou unha nova directiva para incentivar a fabricación e a compra de frigoríficos ecolóxicos. A razón atopábase nos CFCs (clorofluorocarbonados) que son os que empregan os refrixeradores para arrefriar, conxelar os alimentos e illar. Trátase de compostos estables, que aínda que non son tóxicos nin inflamables, si son un dos principais causantes do deterioro da capa de ozono. 

De feito, xa nos anos 90, as organizacións ecoloxistas incidiron na necesidade de protexer a capa de ozono do gas CFC, un dos responsables do quecemento do planeta. Promoveuse entón o uso dos gases do tipo HFC (hidrofluorocarbonados) como unha alternativa viable, pero estes tamén provocan un alto consumo de enerxía. Ademais posúen un elevadísimo potencial de quecemento global e unha vez liberados, son moi activos como axentes intensificadores do efecto invernadoiro porque o seu tempo de vida na atmosfera é bastante lonxevo. 

Controlar o consumo

Desde entón, a imaxe do electrodoméstico ecolóxico foise dando a coñecer cada vez máis no mercado e con ela as súas vantaxes. A elección dun frigorífico depende de diversos factores, como o espazo e a estética ou as necesidades de cada familia. Porén, á hora de adquirir un electrodoméstico como este, cada vez se ten máis en conta o seu consumo. 

Na actualidade, conseguiuse reducir o uso de CFCs nun 50%. Na refrixeración doméstica, as tecnoloxías ecolóxicas tipo greenfreeze teñen un dobre beneficio, xa que, por un lado evitan o uso de HFC e por outro, consumen menos enerxía. Existen modelos que seleccionan a temperatura e gastan a mesma enerxía que unha lámpada de 40 vatios. 

Un dos modelos de neveira ecolóxica é Oceanía, un novo concepto dentro do mundo da conservación e conxelación, obra do deseñador Tez Patel. Este pequeno frigorífico conta con tres niveis de arrefriado independentes. Para conseguilo emprégase a refrixeración magnética, que o usuario pode activar ou desactivar por medio dunha interface dixital. 

Espazos independentes

A parte inferior está deseñada para que se arrefríe pasivamente con auga e materiais cerámicos. A súa temperatura faina idónea para conservar vexetais ou froitas.  O electrodoméstico está conectado á saída principal da auga, igual que sucede coas lavadoras. Isto permite que a auga entre e se almacene facilmente, refrescando o compartimento. Posteriormente, este auga pódese reutilizar. 

Na parte superior conta cun sistema dixital de última xeración que utiliza a tecnoloxía RFID (Radio Frequency IDentification) un sistema de auto-identificación por radiofrecuencia que permite saber que alimentos están dentro da neveira,  a súa data de caducidade e incluso ofrece posibles receitas para elaborar con estes ingredientes. A neveira Oceanía tamén conta con dispositivos que alertan cando se introduce unha comida quente no frigorífico. 

Artigos relacionados

- Categorías A+ e A++ nos electrodomésticos

- A domótica e o aforro de enerxía