Repsol YPF

O comezo de ano supón un cambio de actitude en canto á economía doméstica con respecto a datas recentes. Atrás quedaron as festas e agora é o momento de mirar o peto á hora de ir a facer a compra.

Como en anos anteriores, o mes de xaneiro vén aparellado a un incremento no prezo dos alimentos, especialmente a carne e os produtos lácteos. Debido ao incremento medio do 30% nos pensos, agárdase un alza nos prezos da carne entre un 20 e un 25%, segundo os expertos, en concreto nas de gando vacún e porcino.  Por outro lado, determinadas marcas comerciais contemplan un alza nos prezos dos seus produtos, xustificada polas subas dos custos de materias primas básicas como a fariña ou os cereais para a elaboración das súas marcas. Tamén se prevé outra suba importante nos produtos lácteos, preto dun 10%. 

É, polo tanto, o momento de pensar con que produtos se vai encher o carriño para poder chegar a fin de mes sen apuros. Nesta conxuntura, os expertos falan dunha desaceleración no consumo das familias españolas que forma parte da conxuntura internacional.

Comprar só o necesario

Un consello para evitar que os gastos se incrementen máis do debido é facer unha lista coas necesidades reais de compra que existen na casa e non se saír dela, evitando outros artigos non tan necesarios que poden facer que o gasto final se incremente entre un 30 e un 40% máis do previsto. 

Cómpre elaborar un orzamento mensual no que se inclúan os gastos fixos e probables e a previsión doutros non mensuais. Desta forma pódese saber a cantidade da que se dispón para facer as compras. 

É importante comparar os prezos dos distintos establecementos porque poden chegar a rexistrarse diferenzas considerables entre uns e outros. Xaneiro é un mes cheo de ofertas para o consumidor, pero aquí tamén convén ser cauto e adquirir tan só o que supoña un beneficio real, como comprar varias unidades de produtos non perecedoiros que se poidan conservar facilmente en casa e que así suporán un gasto menor na seguinte compra. 

As legumes, o arroz e a pasta acostuman ser algúns dos produtos máis demandados por estas datas, xunto co polo, mentres que outros alimentos como o peixe, os queixos e a chacinería pasan a un segundo plano e o consumo de artigos máis prescindibles dentro da alimentación como condimentos, conservas, aperitivos, vinagres e aceites baixa considerablemente. Porén, pódese recorrer a peixes que ofrecen calidade a prezos máis baixos, como é o caso dos peixes azuis que, ademais, resultan moi beneficiosos para a saúde. 

Dentro da cociña  pódense aplicar algúns trucos como aproveitar o pan do día anterior para almorzar ou preparar torradas ata preparar puré cos restos que quedasen de pratos de legumes. No caso das carnes, se quedan sobras poden servir para preparar albóndegas, verduras recheas ou pasta rechea, como canelóns.  

Outro truco para aforrar en alimentación consiste en planificar os menús da semana. Deste xeito, pódense conxelar algunhas racións e deixalas para as ceas. Así afórrase tempo de elaboración e aprovéitase a comida ao máximo. Tamén é importante consumir produtos de tempada, xa que son máis económicos w máis saudables.

O polo, é un alimento moi versátil. Despois de limpalo, cos seus ósos e restos pódese preparar un caldo de fideo. A carne da peituga rebozada ou con bechamel constitúe un excelente segundo prato e se se prefire, coa súa carne tamén se poden preparar unhas saborosas croquetas. En canto ás froitas, se vai quedando algunha peza soa pódese aproveitar para elaborar macedonias ou sorbetes. 

Marcas brancas

Á hora de acudir ás grandes superficies, pódense buscar produtos de marcas brancas, isto é, as do propio establecemento, que acostuman presentar unha boa calidade a prezos considerablemente menores. Esta opción resulta especialmente interesante se se precisa comprar conservas, pasta, galletas ou ben produtos de limpeza. 

Nos últimos tempos, o consumo de produtos de marcas brancas aumentou considerablemente, debido á suba xeral dos prezos nos alimentos básicos, unha tendencia que posiblemente  se manteña durante o ano 2008.

Artigos relacionados:

- Envasar ao baleiro os alimentos de tempada

- Petisco entre amigos