Repsol YPF

Pódese afirmar entón que os plásticos aforran enerxía e axudan a protexer o ambiente? Si, porque illan os edificios do frío, da calor e do ruído. Por isto, axudan a reducir os gastos en climatización e as emisións de dióxido de carbono. Deste xeito contribúen á protección do entorno natural.

Este material ofrece múltiples aplicacións no ámbito da construción. En todo tipo de edificacións e obras civís, debaixo do xeso, a cerámica e o formigón, poden atoparse numerosos elementos feitos de plástico, desde perfís de ventás a canlóns para cables pasando por cubertas, condutos, pavimentos, tubaxes ou capas de revestimento de fachadas. 

Material do século XXI
O plástico é un material fundamental no sector da construción. De feito, aproximadamente unha quinta parte dos plásticos que se utilizan en Europa son produtos da construción. E despois dos envases e embalaxes, é na construción onde máis se utilizan os plásticos. 

Así, preto do 25% do plástico que se consume en Alemaña, por pór un exemplo, destínase á edificación. En case todas as casas e infraestruturas modernas, sexan pontes, carreteiras ou canais, se halla o plástico. Ademais, gran parte das pinturas utilizadas son plásticas. Algúns arquitectos incluso creen que os polímeros son o material do século XXI para construír, xa que presentan posibilidades practicamente ilimitadas. As características que fan dos plásticos materiais ideais para a construción son a súa solidez, a súa resistencia á auga e á calor, e a súa flexibilidade. Os plásticos son igualmente moi lixeiros e case non requiren mantemento: nin se oxidan nin se podrecen.

Con datos
Para acadar os ambiciosos obxectivos marcados polo Protocolo de Kyoto, moitos países comprometéronse a reducir as súas emisións de dióxido de carbono (CO2). Para poder materializar estes propósitos, é necesario un reformulamento na forma de construír e illar edificios. 

O illamento térmico é a clave do aforro e os plásticos teñen moito que dicir ao respecto. Un recente estudio da sociedade austríaca de análises globais Gesellschaft für umfassende Analysen (GUA GMBH) conclúe que se en Europa Occidental se deixase de utilizar plástico a demanda enerxética aumentaría nun 26%. Estímase que os illamentos térmicos a base de plástico instalados en Europa só no ano 2004 permitirán aforrar un quinto do consumo enerxético da UE no ano 2002. 

Estudos como este amosan o importante que é valorar o impacto dos materiais e os produtos ao longo de todo o seu ciclo de vida. Os plásticos en forma de espuma brindan enormes posibilidades de aforro e un extraordinario confort para o usuario que redunda no ambiente. Os illantes polímeros empréganse sobre todo debaixo dos teitos e os chans ou nas paredes exteriores e interiores. A inxección de espuma de poliuretano nas cámaras proporciona unha mellora adicional das propiedades térmicas. Para o illamento das paredes exteriores empréganse paneis de polistireno espumado, que permiten reducir o consumo enerxético nunha elevada porcentaxe.

No ámbito dos illamentos polímeros espérase que nos vindeiros anos se produza un auténtico cambio debido aos avances da nanotecnoloxía. As novas fiestras de PVC, con perfís espumados de múltiples cámaras e triplo cristal, reducen como mínimo un terzo o consumo enerxético para calefacción.

Os estudos de GUA tamén demostraron que o 40% do consumo enerxético dos produtos prodúcese normalmente durante a fase de uso. Con que soamente se dedicase o 5% da produción de illantes plásticos a mellorar os niveis de illamento actuais, obteríase un aforro de enerxía tres veces superior á enerxía necesaria para producir eses plásticos adicionais cun ritmo de crecemento do 3% anual, conclúe o informe.

Artigos relacionados

- Aforrar enerxía coa colada

- Aforro pasivo de enerxía