Repsol YPF

Ao longo da Historia, a humanidade loitou constantemente por sobrevivir e mellorar a súa calidade de vida. O devir cotiá, o día a día, é tan importante que afecta á evolución da lonxevidade. A esperanza de vida nos primeiros séculos da nosa era acadaba só os 25 anos e a finais do século XIX, en moitos lugares, case non superaba os 35.

Sen a Química, agora a esperanza de vida practicamente non superaría os 40 anos. Son produtos froito desta ciencia os que axudan a curar enfermidades, a mellorar o rendemento das colleitas e a dispor de auga potable.

Hoxe, na Terra habitan preto 6.500 millóns de persoas cunha calidade e unha esperanza de vida superiores ás que gozaban as xeracións pasadas. En España, actualmente, a expectativa de vida oscila os 80 anos. Isto foi posible grazas á xeneralización de vacinas, antibióticos e moitos outros produtos químicos. 

Solucións eficaces

E é que as achegas a Química, así, con maiúsculas, abranguen aspectos tan relevantes como a investigación farmacolóxica, a creación de materiais ou o deseño de dispositivos do tamaño dunha molécula. O sector químico achega solucións eficaces para gañar en confort e reducir o consumo enerxético nas vivendas e edificios. Por cada tonelada de CO2 xerada na produción de illantes afórranse 200 toneladas de emisións. 

No caso do transporte, o uso de polímeros lixeiros en substitución de materiais tradicionais na fabricación de automóbiles permitiu rebaixar o consumo de combustible por quilómetro percorrido, e polo tanto as emisións. Da mesma forma, a inclusión de aditivos químicos nas novas gasolinas mellorou a súa eficiencia. De feito, e principalmente grazas aos produtos químicos, un coche actual emite unha décima parte dos contaminantes que emitía en 1950.

O uso de aditivos, como os conservantes, permite manter os alimentos. Unha soa planta de fabricación de fibras sintéticas proporciona a mesma materia prima que 12 millóns de ovellas. Circuítos, chips -xa sexan de silicio ou arseniuro de galio-, cristais líquidos e baterías son de orixe química. Sen eles non se podería fabricar nin un ordenador. Os soportes magnéticos, DVDs e CD-ROM, están fabricados con plásticos como o policarbonato, e as pantallas están recubertas internamente por produtos sensibles á luz. Tamén as carcasas, os teclados, o sistema de cables e o rato están feitos con polímeros. Así, unha infinidade de produtos máis.

Por un entorno máis limpo

A Química logrou que os homes cheguen a gozar dun maior benestar. Nun futuro próximo, a colaboración con outras disciplinas, como as Ciencias Ambientais, conseguirá avances en favor dun entorno máis limpo. En pos deste obxectivo, a industria química española achega actualmente o 18% dos recursos que as empresas do país dedican a protección ambiental. O sector lidera este capítulo cunha cifra total de investimentos de case 400 millóns de euros. Trabállase, por exemplo, no deseño de mellores catalizadores e de novos sistemas químicos de almacenamento de enerxía que permitirán dispor de vehículos que soamente emitan vapor de auga.

A industria química española xera o 10% do Produto Industrial Bruto e máis de 500.000 postos de traballo. O sector químico é o segundo maior exportador do país, e o primeiro investidor en I+D+i e protección do ambiente, segundo a Federación Empresarial da Industria Química Española (FEIQUE).

O sector xestiona, desde 1993, o Programa Compromiso de Progreso, cuxa meta é mellorar de maneira continua a protección do Ambiente, a seguridade e a protección da saúde nas compañías químicas de acordo cos principios do desenvolvemento sustentable.

Compromiso de Progreso é a denominación española do programa internacional Responsible Care, o cal se aplica en 52 países de todo o mundo. A industria química é a única que dispón dun programa destas características a escala mundial. 

Desde que se puxo en marcha este programa, as emisións contaminantes inherentes aos procesos de fabricación e combustión reducíronse un 56%. A causa principal desta mellora reside na utilización de tecnoloxías cada vez máis limpas. Os gases de efecto invernadoiro descenderon un 18% desde 1999. 

Artigos relacionados

- Plásticos biodegradábeis

- Os coches reducen as súas emisións