Repsol YPF

Chámanos aparatos domésticos intelixentes e é que non cabe dúbida de que as novas tecnoloxías forman parte xa dos fogares, un lugar onde a cociña ocupa o centro neurálxico. Por iso, a liña branca comeza a dotarse dun pequeno navegador para conectarse a internet e doutras tecnoloxías para exercer mellor as súas funcións e garantir maior eficiencia enerxética. Estes selectos aparatos, convenientemente programados, son capaces de confeccionar a lista da compra e remitir o pedido ao supermercado, dende onde a envían directamente á casa sen necesidade de empregar tempo e diñeiro en desprazamentos ata o centro comercial. Ademais de aforrar tempo, os novos equipos aforran diñeiro e son máis respectuosos co medio. As máquinas novas usan moito menos enerxía que os modelos máis antigos. Un exemplo o aforro de enerxía das pantallas de LCD fronte ás de raios catódicos pode supoñer ata un 40% de aforro na factura mensual. Polo seu deseño ecolóxico, a súa maior eficacia e o seu menor consumo, a xeneralización destes aparatos, cada vez máis complexos, contribuirá a diminuír as preocupacións ecolóxicas e económicas da sociedade actual. Intelixencia artificial no fogarNun futuro non moi afastado, os frigoríficos poderán mesmo detectar por si mesmos que se rematou un determinado alimento para incluílo automaticamente na lista da compra, farán un repaso das provisións existentes, incluída as datas de caducidade; as aspiradoras traballarán soas e desconectaranse cando rematen coa sucidade; un mecanismo semellante, capaz de salvar obstáculos, empregará a última xeración de cortacéspede. E ao regresar á casa será posíbel atopar a vivenda caldeada á temperatura escollida e a cea lista. Xa están nas tendas algúns modelos de cerebros do fogar ou centros de control para a cociña, aínda que polo momento case todos son prototipos ou ben non son comercializados masivamente polos fabricantes. Trátase de dispositivos de vangarda que combinan as prestacións dun televisor, dvd, cd, MP3, acceso a internet e correo electrónico, videovixilancia, radio..., todo iso xeralmente acompañado dunha pantalla táctil, dun teclado e dun mando sen fíos. O material co que que están fabricados é resistente e impermeábel á auga, o que permite a súa limpeza sen que sufran os seus compoñentes ou poida producirse un problema técnico no seu funcionamento. Estes mecanismos comunícanse, por poñer un caso, coa cafeteira para que prepare o café do almorzo á hora seleccionada, e son capaces de conectarse automaticamente tras un corte de luz. Axiña as aplicacións WOB (Wap Over Bluetooth) farán posíbel o control a distancia de todas as máquinas do fogar dende o teléfono móbil, o PDA ou o ordenador. Por outra banda, a tecnoloxía WIFI levará internet a todos os lugares da casa. Outras funcionalidades
. O desenvolvemento tecnolóxico fará que nun futuro próximo ninguén poña atención no modo de preparación dos alimentos, non obstante poderán ser cociñados no seu punto xusto. Rematouse requentar a comida e abrir a porta do forno para ver se o asado está feito. O microondas incorporará un escáner e saberá como facelo lendo o código de barras do envase. Tamén disporá dunha memoria con información sobre moitísimas receitas de diferentes produtos alimenticios e, por suposto, para almacenar as instrucións que o usuario programe manualmente. Novas funcionalidades como o vídeo sen fita, que permite gravar decenas de horas de programación, o videoclub na casa que ofrece un servizo real de películas baixo demanda, ou o estafe shifting, que pode parar e rebobinar a televisión en directo, fará innecesarios consumíbeis como as fitas de video ou os cd. Especialmente deseñados para resolver os problemas que os aparatos provocan entre os colectivos de usuarios máis minusválidos os novos electrodomésticos poden ser equipados con tecnoloxía de síntese de voz. Deste xeito, os equipos logran comunicarse mediante radiofrecuencia cun sistema que traduce en información audíbel para o usuario todas as accións que se realizan sobre os mandos dos aparatos, ofrecéndolle ao usuario datos de forma instantánea sobre os programas seleccionados, estado de funcionamento, etc. Nin que dicir ten que todos os elementos con conexión á Rede contan cun sistema de autodiagnóstico pensado para avisar de calquera dano técnico que puidese xerarse.