Repsol YPF

Os mesados atmosféricos amósanse eficaces e cada día coidan máis a estética. Os modelos son elegantes e vangardistas. Tanto é así que, hoxe en día, as vantaxes destas placas xúlganse decisivas: fácil coidado, máxima eficiencia e cómoda limpeza coa economía do gas. Por todo isto, son unha das primeiras alternativas que hai que ter en conta á hora de renovar os lumes.

Funcionamento 
Os queimadores son protagonistas dentro da ampla gama de mesados que se poden atopar nos comercios. Estes elementos controlan e regulan a reacción de combustión entre o combustible e o comburente. Nos atmosféricos o gas combustible e o ar mestúranse antes de chegar á zona de combustión. 

Deben o cualificativo de atmosféricos ao feito de que durante o seu funcionamento o ar é atraído da atmosfera pola corrente de gas, e tamén porque a combustión se efectúa a presión atmosférica. Estes queimadores constan dun inxector (que descarga o gas combustible que ao se expandir actúa como fluído indutor e arrastra ar da atmosfera), un mesturador, para combinar o gas e o ar, e a cabeza, onde se realiza a combustión.

O mesado atmosférico debe colocalo un instalador autorizado. As condicións de regraxe deste aparello estarán inscritas sobre a etiqueta e porase especial atención ás disposicións relativas á ventilación. 

O mesado vitrogás contén varios queimadores, unha cámara de ar e está cuberta na parte superior por un cristal cerámico de propiedades moi especiais. Cando o queimador consume o gas prodúcese unha radiación infravermella similar á das vitrocerámicas eléctricas, que se transmite polo ar da cámara e choca perpendicularmente coa superficie producindo calor. Este efecto ocasiónase unicamente na zona de cocción. Este tipo de vitrocerámicas pode posuír, ademais, unha zona de quentamento residual.

Os queimadores atmosféricos a gas montados sobre a estufa proporcionan lapa aberta e son ideais para sofritir rapidamente. Os queimadores radiantes quéntanse moi rapidamente e facilitan unha distribución uniforme da calor. Nestes aparellos normalmente a electricidade só serve de complemento para o acendido da lapa e o temporizador dos lumes.

Os deseños e combinacións son innumerables. Van desde as vitrocerámicas exclusivamente a gas con queimadores atmosféricos sobre a placa de cocción ou queimadores radiantes instalados debaixo da mesma, ata unha combinación de ambos tipos de queimador. Nesta familia de produtos existen incluso combinacións con placas eléctricas. 

Recomendacións de uso
Sexa cal fose o modelo, ao cociñar é aconsellable procurar que o diámetro do recipiente sexa maior ou igual que o foco de calor seleccionado. Cómpre usar potas e tixolas cuxa base sexa plana e estea seca. Para que a superficie non se dane hai que evitar arrastrar os cacharros sobre o cristal. E se ao guisar se derramasen sobre el substancias con alto contido en azucres, é mellor recollelas inmediatamente, xa que poderían deixar sinais. 

A facilidade de limpeza é unha das vantaxes destes mesados atmosféricos que se gozan día a día. O resto teñen que ver co seu deseño, atractivo e elegante, a súa eficiencia enerxética e a súa economía. 

Artiges relacionados:

- Aparatos domésticos e novas capacidades

- A neveira, un electrodoméstico imprescindíbel

- Productor e servizos