Repsol YPF

 Examinar periodicamente a instalación eléctrica ofrece a posibilidade de atopar a tempo conexións en mal estado ou interruptores defectuosos. Así evitaranse accidentes, aforrarase no consumo de electricidade e en reparacións da propia instalación, así como dos aparatos eléctricos. Outra das premisas que sempre hai que ter en conta é que antes de efectuar calquera reparación hai que desconectar primeiro o interruptor xeral. Para que non se produzan sobrecargas na instalación non hai que sobrecargala con demasiados contactos nin moitos aparatos a unha mesma toma de corrente. É mellor non utilizar ladróns senón bases de enchufes múltiples. Os empalmes ou as unións de cables deben ser firmes e estar ben illados. Tamén debe instalarse unha conexión a terra. Isto é un condutor de baixa resistencia que se introduce na terra para evitar unha suba de tensión maior da que pode resistir a instalación. A toma de terra é verde e amarela. A rede debe distribuírse en tubos illadores axeitados e non deben empregarse grampas para fixar cables na parede, agás se o cable e a grampa foron fabricados especialmente para ese propósito. Sistemas de protecciónExisten uns sistemas de protección especiais moi axeitados para evitar sobretensións. Estes dispositivos encárganse de resgardar o equipamento dunha casa dos incidentes producidos na liña eléctrica, das correntes orixinadas por receptores electrónicos ou de factores externos como os raios. " Limitador de sobretensión: Existen dous modelos, un que serve para todos os aparatos conectados á instalación eléctrica da casa e outro que é unha base de enchufe que protexe os equipos que estean enchufados a ela. " Diferencial de disparo electrónico: En edificios grandes ou en oficinas cun gran número de máquinas e luces talvez o interruptor diferencial (IDE) salte con moita frecuencia sen ningún motivo aparente. Este mecanismo impide este tipo de cortes. " Diferencial con reenganche: Cando por un incidente na instalación interior se dispara o IDE este equipo comproba se o motivo que orixinou o disparo persiste. Se non é así, rearma a instalación automaticamente. É moi útil en segundas residencias, en vivendas con alarma, peto conxelador, etc.  Pequenos interruptores automáticos ou PIAs: Protexen dos incidentes producidos polos curtocircuítos ou polas sobrecargas en cada un dos circuítos interiores nos que se reparte a instalación.  Sistema de alimentación ininterrompida (SAI): Mantén o fluído eléctrico durante uns minutos se hai unha interrupción na subministración porque funciona como unha pequena pila. É moi aconsellábel para ordenadores. Dende a rede eléctrica da rúa chegan á vivenda dous condutores que rematan no contador instalado e precintado pola compañía subministradora. Convén comprobar unha vez ao mes o funcionamento do botón de proba do interruptor diferencial e asegurarse de que a potencia contratada se axusta ao equipamento eléctrico que actualmente ten o fogar. Bos hábitosO contador, áchese ou non dentro do domicilio, ten a función de rexistrar o consumo. Na base do contador adoita estar situado ese interruptor magnetotérmico xeral, chamado tamén limitador de intensidade, que serve para abrir ou pechar a tensión no circuíto eléctrico. Este interruptor automático está concibido para saltar cando a potencia absorbida pola instalación da vivenda supere a estabelecida por contrato. Xamais se deben bloquear os interruptores automáticos para que funcionen libremente no caso de erro na instalación. Non obstante, non se debe intervir sobre a instalación eléctrica sen os coñecementos suficientes. No caso de facelo, un instrumento moi útil é un un buscapolo. Trátase dun detector de tensión que serve para asegurarse de que non hai unha fuga de electricidade. E é que o afán de arranxar pequenos avarías provoca cada ano numerosos accidentes domésticos. Ante a dúbida, é preferíbel que examine a rede ou o aparato un técnico especializado. Unha intervención desafortunada pode provocar mesmo un incendio. Entre os bos hábitos deben figurar o de desenchufar os aparatos eléctricos que non se usen de xeito frecuente e o de desconectar aqueles que se vaian manipular ou limpar. Débense desenchufar sempre tirando da caravilla illante, nunca do cable. Por último, convén recordar que, debido á combinación de auga e electricidade, o cuarto de baño é o cuarto máis perigoso da vivenda. Por iso está prohibido instalar interruptores, enchufes e aparatos de iluminación nas inmediacións da bañeira.