Repsol YPF

O gasto enerxético doméstico representa aproximadamente un 42% do consumo total da Unión Europea e é responsable dunha porcentaxe similar de emisións de CO2. Os cidadáns máis responsables trasladan as súas preocupacións ambientais á demanda enerxética dos seus inmobles. Por outro lado, acertar na elección dos sistemas máis eficientes implica un aforro económico considerable para os usuarios.

O estado da propia vivenda, concretamente nos aspectos que se refiren a orientación e illamento térmico, constitúe un dos elementos fundamentais do consumo enerxético. A Certificación Enerxética dos Edificios achega información moi valiosa e pode incluír opcións de mellora. Os requirimentos de enerxía derívanse tamén, loxicamente, das actividades que se leven a cabo no inmoble, e dos aparellos que precisa.

Eficiencia
O consumidor de hoxe en día pensa xa na eficiencia enerxética como un elemento máis que inflúe na súa decisión final de compra ou reforma dunha casa. O vendedor aplica este criterio como un máis de calidade a ter en conta. Diferentes sistemas aliméntanse con gas ou gasóleo, dous dos principais combustibles á hora de ofrecer solucións de alto nivel de economía e confort. 

No fogar pódese empregar gas nas modernas cociñas de vitrogás, que combinan limpeza, aforro e comodidade, e, por suposto, en fornos, que ofrecen a vantaxe de que o vapor da auga da combustión logra que os alimentos ao se asar non se resequen. Ademais, hoxe en día a gama de gasodomésticos incorpora lavadoras, lavalouzas, secadoras, etc. 

Recoméndase o gas natural tamén para os equipos de climatización. O seu uso é moi habitual en caldeiras de calefacción e auga quente, ben sexan individuais ou colectivas. Os radiadores murais autónomos tamén poden funcionar a gas, ao igual que outros equipos de climatización. Pódese obter a máxima economía de uso solicitando un dos plans a medida de gas para o fogar. Existe un para cada tipo de vivenda e cada estilo de vida, desde casas independentes de grandes dimensións a pequenos apartamentos.

Características particulares
O plan personalizado é un servizo integral que cubre todas as necesidades enerxéticas dun domicilio, adaptándose ás súas características particulares. Entre os servizos que pode incluír atópase a subministración de gas, a cesión do depósito en aluguer se é propano, a instalación da rede exterior, un contrato de mantemento e un servizo de asistencia técnica as 24 horas.

Antes de decidirse por uns ou outros sistemas cómpre asesorarse. Hai múltiples formas de saber cal é o produto que máis convén a cada casa. A recomendación que se obtén desta consulta neste enlace é orientativa. Tal e como se apuntou, é necesario coñecer outras características da vivenda para confirmar a mesma. O consumo enerxético non depende en exclusiva dos equipos e as fontes de enerxía. Pero, hai que saber, por exemplo, que unha vivenda unifamiliar pode cubrir cun só combustible todas as súas necesidades de calefacción, cociña, auga quente sanitaria, climatización e outras aplicacións dun modo limpo e cómodo. 

Decantarse polo gas ofrece moitas vantaxes. Ademais da súa versatilidade, o usuario benefíciase dun combustible moi competitivo polo seu custo económico, concretamente en canto a mantemento e aluguer de equipos. Por todo isto, o gas é un combustible idóneo para usos domésticos. De todas formas, nalgúns casos, tamén pode ser interesante instalar sistemas de calefacción de gasóleo.

Artigos relacionados:

- Aparatos domésticos e novas capacidades

- Os acumuladores enerxéticos