Repsol YPF

A lista de aparellos para meter na maleta pode ser interminable: a cámara fotográfica e a de vídeo -coas súas tarxetas para ampliar memoria correspondentes e os cables para descargar os arquivos-, un aparello mp3 ou mp4 para escoitar música, prismáticos si o ambiente merece a pena... A maioría ocupan pouco espazo e non pesan demasiado. Non obstante, a equipaxe de man nos avións cada vez se ve máis limitada e estamos falando de obxectos fráxiles e custosos. Se se levan hai que facelo co convencemento de que se van usar e de que chegarán en perfectas condicións. 

Convirá saber se o aloxamento que vamos a ocupar dispón de secador de pelo, algo frecuente en hoteis de tres estrelas en adiante, para non cargar con el en van. Outro aparello case imprescindible é o ferro de pasar de viaxe, xa que, por moi ben que se pregase a roupa sempre é preferible darlle un repaso. Os homes que acostuman se afeitar con máquina eléctrica non terán máis remedio que cargar con ela se queren ofrecer unha boa imaxe. 

Accesorios útiles

E seguimos enumerando aparellos. Non podemos esquecer o cargador do teléfono móbil, que indefectiblemente acompaña calquera viaxeiro. Se a viaxe é de negocios probablemente haberá que incluír na maleta cargadores varios, por exemplo para a blackberry, así como cables e baterías para o ordenador portátil. Un pequeno ordenador ou un teléfono intelixente permiten adiantar traballo durante o desprazamento. 

As horas de avión fanse pesadas. Un DVD portátil ou unha videoconsola con auriculares poden asegurar varias horas de entretemento. Unha blackberry –híbrido entre teléfono móbil e PDA- pode almacenar mapas, libros de lectura e moita información de utilidade. Non obstante, cando se usen este tipo de aparellos en voo, posto que son teléfonos e computadores á vez, hai que asegurarse de apagar as funcións de comunicación, xa que poden interferir cos sistemas de navegación dos avións. 

Un dos accesorios que cada vez se amosa máis útil, xunto coas memorias USB, é o teclado pregable que se comunica con eses asistentes dixitais persoais sen fíos. Este elemento pódese dobrar para gardarse no peto pero o despregarse o seu tamaño resulta aceptable, o que permite traballar nunha computadora de man tal e como se faría nun ordenador portátil.

Diferenzas de voltaxe e adaptadores

Se cambiamos de continente de pouco servirá levar cables se non levamos adaptadores de caravilla ou as habitacións non dispoñen de enchufes universais. Tamén hai que ter en conta as diferenzas de voltaxe que se empregan noutras partes do mundo. Por exemplo, a tensión máis frecuente nos Estados Unidos ou Canadá é de 120 voltios, en México de 125, en Singapur de 230 e en Australia de 240. Para resolver esta situación, numerosos fabricantes de equipos portátiles inclúen un adaptador ou transformador universal que admite distintas tensións ou voltaxes e frecuencias de corrente alterna.

De todas formas, un adaptador de voltaxe é barato e pódese conseguir en numerosos establecementos. Aínda que, como se apuntou, é posible que non sexa necesario para un ordenador portátil ou un de man, por pór un par de casos, xa que o adaptador de corrente que levan estes aparellos acostuma traballar entre 110 ou 220 voltios indistintamente. Para asegurarse deste extremo é aconsellable revisar os seus manuais de instrucións. Porén, isto non servirá de nada se o conector da toma de corrente non fose o mesmo. Para non ter problemas neste sentido pódense levar kits de enchufes diferentes.

Porque outro dos principais problemas é a pouca duración das baterías. Unha das regras de ouro para o seu mellor rendemento e conservación consiste en esgotalas ata o final e cargalas na súa totalidade. Incluso pódense aproveitar as tomas de corrente que dispoñen os aeroportos para cargar baterías. E é que en viaxes e vacacións non hai por qué perder de vista os obxectivos de eficiencia enerxética. As persoas que fan viaxes en avión moi longos ou sen escalas acostuman levar unha ou ata dúas baterías de reposto para os seus dispositivos de traballo. Non hai que esquecer que as pilas recargables son moito máis ecolóxicas que as dun so uso, ademais existen cargadores que serven para múltiples dispositivos.

Artigos relacionados

- Aparatos domésticos e novas capacidades

- Altas temperaturas e electrodomésticos