Repsol YPF

Os sistemas de aire acondicionado logran controlar a temperatura e o grao de humidade do aire. O mecanismo que utilizan consiste en conducir o aire do ambiente unha unidade de arrefriamento que baixa a súa temperatura con auga moi fría. Posteriormente, este aire refrixerado retorna á estancia. O procedemento máis ecolóxico é o de arrefriamento evaporativo. Dependendo da subministración enerxética que empregan para arrefriar a auga, basicamente existen dous tipos de aparellos de refrixeración: os eléctricos e os de gas natural. Estes últimos son máis eficientes enerxeticamente. É co gas natural como se conseguen as máximas cotas de aforro na climatización doméstica, xa que existen equipos por módulos que se adaptan a grandes e pequenas necesidades. Climatización con gas natural O gas natural perfílase como alternativa para a creación de confort. É a opción máis rendíbel para xerar frío/calor. Os sistemas de gas natural son os suficientemente flexíbeis para satisfacer calquera necesidade en canto a potencia ou superficie.Entre as vantaxes que ofrece o gas destaca:
 O aforro derivado dunha redución do custo e mantemento fronte a outras enerxías.
 Un elevado rendemento.
 A posibilidade de rebaixar a potencia eléctrica contratada.
 Rendibilidade do espazo se se trata dunha mesma unidade que proporciona frío e calor.
 Fácil manexo e instalación.
 Seguridade e fiabilidade.
 Ecoloxía dende o punto de vista de que o gas natural é o máis limpo dos combustíbeis fósiles e contribúe a reducir a xeración de emisións contaminantes.
 Non obstante, a demanda de electricidade non deixa de crecer e o Instituto para a Diversificación e Aforro da Enerxía (IDAE) apela incesante ao sentido común: para lograr un ambiente futuro máis sostíbel ha de facerse un uso máis racional da enerxía no fogar.
Igual confort con menos consumo Gastando menos, ademais de reducir a contaminación, aforraremos diñeiro. Vexamos algúns consellos que poden axudar a conseguir este dobre obxectivo: -É importante deixarse aconsellar por un profesional cualificado sobre os equipamentos existentes no mercado para poder escoller o sistema que mellor responda ás necesidades da casa. Convén ter en conta que a etiqueta enerxética; hai aparellos que consomen ata un 60% máis ca outros.
 
- Recoméndase colocar o aparello nun lugar aireado e onde lle dea o sol o menos posíbel, coma as fachadas norte ou os patios onde dea a sombra.

- Hai que evitar que os electrodomésticos que xeran calor se atopen nos cuartos refrixerados
 
- Ao prender o aire acondicionado non é bo regular o termóstato a unha temperatura máis baixa do normal. O arrefriamento da casa podería resultar excesivo e, por conseguinte, incorreríase nun gasto innecesario. Tampouco o termóstato debe estar próximo a focos de calor, como lámpadas ou a radiación solar.
 
 -Paga a pena desconectar o aparello refrixerador cando non haxa ninguén na vivenda ou na estancia na que estea funcionando. 
 
 -O mantemento aconsellado polo fabricante e a limpeza dos equipos prolonga a súa vida e aforra enerxía. Polo xeral hai que limpar polo menos unha vez ao mes o filtro e estar ao tanto de que non se produzan perdas de líquido refrixerante.
 
 -Manter pechadas as persianas e corridas as cortinas axuda a reducir o quentamento da casa no verán e a evitar perdas de calor no inverno. Se se abren ou pechan continuamente portas e ventás estarase a reducir a eficacia do sistema de refrixeración.
 
 -As cores claras en teitos e paredes contribúen a rexeitar parte da calor incidente e, polo tanto, evitan o quentamento dos espazos interiores.

 -A instalación de toldos e acristalamentos, así como o illamento axeitado de tabiques e teitos pode axudar a conseguir aforros de enerxía en refrixeración superiores ao 30%. 
 
 -A vexetación exterior pode ser utilizada para xerar sombras no verán e axudar a desviar as correntes de aire frío no inverno. 
 
 -No verán, se se leva roupa axeitada, unha temperatura de 25º C cun grao de humidade do 50% é suficiente para sentirse cómodo no interior dunha vivenda. Ademais, non é saudábel unha diferenza de temperatura co exterior superior a 12º C.

- Se se aumenta a humidade será necesario reducir a temperatura para alcanzar a mesma sensación térmica. Por cada grao menos que se programe aumentará o consumo enerxético entre un 5 e un 10%.
 
 -É preferíbel ventilar a casa cando o ambiente na rúa sexa máis fresco, normalmente nas primeiras horas da mañá e durante a noite. 
 
 -Un bo costume é apagar o aparello de aire acondicionado uns minutos antes de ir para a cama porque a sensación térmica perdura durante un tempo e non se consome enerxía.