Repsol YPF

No proceso de fermentación, as bacterias consumen o carbono e o nitróxeno. Como resultado prodúcese unha combinación de gases formado por un 70 por cento de metano, 20 por cento de anhídrido carbónico e algo de monóxido de carbono e anhídrido sulfuroso.
É importante destacar que a transformación de biogás en enerxía renovábel supón  a vantaxe de eliminar o volume de residuos e a contaminación que xeran eses lixos.
¿Como se obtén o biogás?
Pódese dirixir o lixo a un vertedoiro controlado onde, ao cabo de máis dun mes, prodúcese a descomposición de forma totalmente natural. Para acelerar o proceso, introdúcese o lixo nun dispositivo especial chamado dixestor. Nesta máquina especial, a temperatura supera os 50 graos centígrados, polo que as bacterias se reproducen con facilidade e a degradación bioquímica acelérase.
Nuns 20 días conséguese o prezado biogás que ten diferentes usos: xerar calor por combustión ou pode xerar enerxía mecánica ou eléctrica. Para obter calor aprovéitanse as propiedades combustíbeis do metano, que permite unha recuperación de enerxía de entre o 40 e o 46 por cento.
Situación en España
En España, a tecnoloxía para obtención de biogás non está moi estendida. Empezan a poñerse en marcha algúns centros como a Planta de Tratamento e Compostaxe de lixos de Alhendín, Granada, que ten como obxectivo transformar en enerxía as 250 toneladas de desfeitos que xera a diario a cidade.
Na Comunidade de Madrid, púxose en marcha en 2003 a Planta de Biometanización da localidade de Pinto, onde se tratan os residuos para exportar enerxía á rede eléctrica que chega a uns 40.000 fogares.
Trátase da primeira planta española deste tipo que, ademais de 117.000 megavatios/hora ao ano de electricidade, produce 20.000 toneladas de compost que se utiliza para agricultura, xardinaría, reforestación e recuperación de chans degradados.
¿Sabías que...?
- Enxeñeiros xaponeses do Energy Technology Research Institute desenvolveron un novo sistema que, ademais do metano, fermenta tamén o hidróxeno de forma separada. Deste modo, a enerxía recuperada é maior. Increméntase ata o 55 por cento.- En Europa existen máis de 500 instalacións que producen biogás. Holanda e Dinamarca son os máis sensibilizados con este asunto.- Na India, máis de medio millón de persoas utiliza este combustíbel nas súas casas.- En China, o 70 por cento do combustíbel que se utiliza en zonas rurais procede da descomposición da palla e os talos de cultivos.