Repsol YPF

Polo que a ausencia de capa de ozono non só afectaría ao crecemento dos vexetais e o plancto mariño senón que podería causar graves deficiencias no sistema inmunolóxico das persoas e, mesmo, cancro. 
Dende principios dos 80, a valiosa capa de ozono ou ozonosfera presenta un adelgazamento extremo sobre a Antártida. A primeira vez que se detectou ese burato foi en 1981, por un científico do equipo antártico británico. Dende entón confirmouse grazas aos satélites.

Os culpábeis da deterioración son os gases clorofluorocarbonos, máis popularmente coñecidos como CFC's, os hidroclorofluorocarbonos (HFC), que se utilizaron un tempo como substitutos, o bromuro de metilo de pesticidas agrícolas, e os halóns utilizados nos extintores. Calcúlase que un total de 800.000 toneladas anuais destes gases emítense á atmosfera en forma de aerosoles, refrixerantes en frigoríficos, acondicionadores de aire, entre outros.

Todos a salvar a capa de ozono
A Convención de Viena e, no 1987, o Protocolo de Montreal encargáronse de tomar medidas estabelecendo un calendario de redución e eliminación progresiva da produción e consumo de CFC e halóns. En España, está prohibida a fabricación e venda de produtos con CFC's dende 1995. Pero aínda son moitos os frigoríficos que funcionan nos fogares con este tipo de gases daniños e os sistemas de aire acondicionado de coche que os utilizan. Simplemente, mercáronse antes desa data.

Cada cidadán concienciado cun problema que afecta a todos os habitantes do planeta, pode contribuír á rexeneración da capa de ozono. Estes son algúns consellos:
-se o frigorífico, climatizador da casa ou do coche son antigos e fai falta encher os circuítos, hai que facelo con CFC reciclados e procurar que non teñan ningún escape de gas.
-Non se deben utilizar obxectos punzantes e cortantes para desconxelar a neveira, xa que se pode danar o sistema de canalizacións que conteñen o refrixerante.
-Se necesitas un frigorífico novo, fíxate que sexa Greenfreezeque utiliza hidrocarburos naturais como refrixerantes.
-É importante manter en boa forma o aire acondicionado que hai na casa: contratar a reparación e o mantemento a empresas autorizadas que se aseguren da ausencia de fugas. Controlar que non se produzan fugas.
- É necesario depositar os aparatos vellos que utilizan gases CFC no punto limpo máis próximo. É a única forma de asegurarse de que van ser eliminados correctamente.
-Os extintores a base de halóns deben recibir un mantemento regular que evite fugas. Hoxe en día, existen alternativas aos halóns: escuma, pos químicos ou CO2.
-Ler as etiquetas dos produtos que se mercan e asegurarse de que a súa composición non inclúe CFC.
-Manter ben pechados os produtos de limpeza que conteñan elementos químicos volátiles.
-Extremar o coidado no manipulado de combustíbeis para evitar o seu derramo.
-Evitar exposicións prolongadas ao sol para evitar o risco de enfermar de cataratas ou cancro de pel.
-Utilizar o transporte particular con moderación para contribuír ao aforro de enerxía e evitar a emisión de contaminantes á atmosfera.

¿Sabías que...?
-Segundo a ONU necesitaríanse 600 millóns de dólares para que o Terceiro Mundo deixase de producir CFC's.
-Dende a sinatura do Protocolo de Montreal en 1987 ata 1997, a produción de clorofluorocarbonos reduciuse nun 87%. A este ritmo, espérase que o burato da capa de ozono empece a rexenerarse a mediados deste século.