Repsol YPF

A música, actividade deixada de lado en moitas ocasións, é unha disciplina fundamental na formación das persoas, así como na ampliación da cultura e no coñecemento integral do mundo. Ensinala e aprendela non significa obrigatoriamente dominar a técnica e a linguaxe musical, como tampouco implica necesariamente o nacemento dun músico brillante. Coñecela e aprendela supón crecer e divertirse con ela ao mesmo tempo, en definitiva, gozar desta arte.

Neste sentido, pode resultar reconfortante, práctico e moi interesante introducir os máis cativos na disciplina musical, aínda que iso si, é moi importante facelo na medida xusta, escoller instrumentos axeitados para as idades dos nenos e amosar este aprendizaxe como algo afastado da obriga. 

Así, desde o momento en que os nenos comezan a familiarizarse coas notas e a distinguir entre instrumentos de corda, vento e percusión, xa poden decidir cal é o que máis lles gusta e encaixa mellor co seu carácter. Facerlles partícipes desta decisión contribuirá a que continúen coa súa práctica e aprendizaxe. 

A guitarra e o piano seguen sendo as grandes apostas dos máis pequenos e os seus pais, posto que resulta “relativamente” fácil de aprender a tocalos, aínda que sempre hai quen aposta pola trompeta ou o violín. 

Por outra parte, hai que ter en conta que a formación musical do neno debe formularse como unha actividade lúdica, activa e participativa. Ademais débeselle conferir un papel importante ao movemento, a improvisación rítmica e melódica. Debería formularse como un xogo no que o neno poida desenvolver a sensibilidade e o gusto pola música, sempre claro, combinando isto cunha adquisición axeitada da técnica. 

En canto ao lugar elixido para recibir a formación musical as posibilidades son moi variadas. 

O conservatorio
Os conservatorios ou centros privados, que contan coa facultade para expedir títulos oficiais, dividen a súa formación en tres ciclos: elemental (durante catro anos), medio (seis anos divididos en tres cursos) e superior (un so ciclo). Así, a carreira completa de piano ou violín supón uns 14 anos de estudo. En canto á titulación, cabe dicir que a superación do terceiro ciclo de grao medio equivale a unha diplomatura, mentres que o grao superior a unha licenciatura. 

Outros métodos de educación musical
Se se presta atención aos ensinos musicais libres, salientan os seguintes métodos:

- Kodaly: A partir da base de folclore e cultura (movemento, canto e baile) o neno  aprende a linguaxe musical. 

- Aschero: Consiste en relacionar os sons con cores. Neste sentido, empregan unha linguaxe diferente ao solfexo, isto é, non se empregan as notas musicais, senón sonocores coas súas propias partituras.

- Orff: Combina o uso de instrumentos de percusión pequenos, expresión corporal, canto e baile para desenvolver o ensino. 

- Suzuki: É un método que traballa con nenos a partir de 3 anos e contan para impartir a formación cun dos pais destes. Así, van introducindo instrumentos musicais a través da imitación e o desenvolvemento do oído.

Artigos relacionados: 
> Organizar as tarefas
> Música e aprendizaxe: os nenos bilingües