Repsol YPF

17 de maio de 2008 é a data escollida. Por cuarto ano consecutivo, entidades públicas, privadas, asociacións de internautas e centros educativos, entre outros, prepáranse para celebrar o Día da Internet. Para esta edición, a Asociación de Usuarios da Internet propón as redes sociais como o Messenger ou as comunidades virtuais como as grandes protagonistas dunha xornada que tratará de promover o uso da Internet entre a cidadanía. 

Pola súa parte, Red.es, entidade do Ministerio de Industria, Turismo e Comercio dedicada a impulsar o uso da Internet e a Sociedade da Información en España, dedicará especial atención o vindeiro 17 de maio ás persoas con discapacidade. 

Así, baixo o lema “Conexión das persoas con discapacidade: as oportunidades das TIC para todos”, este organismo mobilizará todos os seus recursos técnicos e humanos para a dinamización dos distintos ámbitos nos que traballa: telecentros, escolas de primaria e secundaria, bibliotecas, concellos, asociacións etc. Ademais, as distintas áreas que integran red.es (Observatorio das Telecomunicacións, Dominios “.es”, Centros Avanzados Tic) e algunha das súas participadas (Cenatic, Inteco, RedIris) preparan tamén os seus actos conmemorativos. 

Así, entre as iniciativas propostas por Red.es previstas para este ano, salientan os concursos de debuxo que se organizarán nos colexios, os certames de vídeo promovidos desde os telecentros e a sinatura dos concellos participantes acordando a súa adhesión á Declaración de Principios para construír a Sociedade da Información. Ademais púxose en marcha unha páxina web desde a que se pode acceder a todo tipo de información sobre a rede de redes.

@rroba do Día da Internet

As celebracións van máis lonxe se cabe e chegan incluso á gastronomía. Así, a organización do Día da Internet, xunto con diferentes pastelerías, o Concello de Madrid, BBVA e HABBO, presentarán unha sobremesa pensada para compartir e para achegar a tecnoloxía dunha forma distinta, un elemento para celebrar e anunciar o advenimento das novas tecnoloxías, converténdose así nun referente gastronómico para esta xornada.

Usos da Internet en España

Promover o uso da Internet e as novas tecnoloxías segue sendo unha tarefa pendente, e é que, aínda que os datos son positivos, seguen quedando tarefas pendentes. E é que segundo un estudo do Observatorio das Telecomunicacións e a Sociedade da información, realizado en 2007, o 42 por cento dos fogares españois está conectado á Internet.  Así mesmo, o 53,5% da poboación accedeu á Internet nalgunha ocasión, isto é máis de 20 millóns de españois. 

Artigos relacionados

- Web 2.0: a Rede interactiva

- Facebook, a rede social dos universitarios