Repsol YPF

Superman non é tan distinto de Indiana Jones. Ambos teñen un traxe e unha dobre personalidade. Spiderman comparte tamén características co de Kripton, e por que non Batman ou os Action Man. Todos eles son fortes, vigorosos e valentes, e de vez en cando amosan trazos que os humanizan; ás veces son torpes ou sensibles e todos gozan de bo sentido do humor: trátase se dúbida dos superheroes do cine. Divírtete descubrindo un pouco máis de todos eles.

Indiana Jones; o rei daa aventura

Protagonizada por Harrison Ford, como nas tres películas anteriores que compoñían a saga ata o momento, a última aventura de Indiana Jones, comeza no deserto do suroeste dos Estados Unidos en 1957, en plena Guerra Fría. A película, estreada recentemente na sección no oficial do Festival de Cannes 2008, está chea de escenas de acción e aventura. Neste sentido, contén buscas, colisións, persecucións, e varias especies de animais non precisamente de compañía, entre outros. 

Spielberg, o seu director, non lle precisa dar un ar novo a Indiana Jones, aínda que, se viches as anteriores, sorprenderaste ao descubrir, que nesta ocasión, o heroe ten uns cantos anos máis. A vilá desta aventura é Cate Blanchet, tinguida de moreno, vestida de rusa e ma pero non execrable. 

Superman: o espírito americano

Outro dos grandes do cine de aventura e acción é sen ningunha dúbida Superman, o súper heroe máis coñecido e mediático de todos os tempos. Varias series de televisión, seriais radiofónicos, musicais, películas e incluso unha novela estiveron dedicados a este personaxe de ficción. Ademais, a isto hai que engadir, que o de Kripton se converteu no maior representante do espírito americano, sempre defendendo a xustiza e a orde da sociedade. Unha sociedade marcada pola violencia e por quen quere destruír esa “idílica” paz norteamericana. 

Que hai de Batman?

O home morcego, multimillonario e que combate o mal coa súa intelixencia e valor, isto é, Batman, triunfou na gran pantalla da man do xenial Tim Burton, ademais da desmedida campaña de publicidade que se organizou para a estrea; camisetas, figuriñas e BSO de Prince incluídas, que converteron ao personaxe nunha estrela incluso antes de estrearse o film.  Batman luciu tres rostros na gran pantalla: Michael Keaton, Val Kilmer e George Clooney. Impresiona así mesmo, a lista de actores que encarnaron os nas saga saga: Jack Nicholson, Danny DeVito, Michelle Pfeiffer (unha inesquecible Catwoman), Jim Carrey, Arnold Schwarzenegger...

O seu nome é Bond, James Bond

James Bond, o axente secreto ao servizo da Coroa británica, é, con 23 películas nas que seis actores, entre eles Sean Connery ou Pierce Brosnan, se meteron na súa pel, un dos personaxes máis populares e rendibles da historia do cine. A súas misións polos cinco continentes, nas que nunca faltan a intriga amorosa e a tecnoloxía máis sofisticada, aínda hoxe son capaces de arrastrar a xente aos cines, como demostran os 40 millóns de dólares que recadou nos Estados Unidos a película Casino Royale durante a súa primeira fin de semana de exhibición. 

Spider-Man, un adolescente corrente

Spider-Man, fillo triunfador do creador da Marvel Comics, Stan Lee, quixo amosar ante o público como un personaxe normal e corrente, co que calquera se puidese identificarse: un adolescente delgado, algo acomplexado, bo estudante, pero sen demasiada sorte coas rapazas. Chamouno Peter Parker. Ao seu alter-ego, nado despois de que lle picase unha araña radioactiva, deulle o nome de Spider-Man. Así, Spider-Man enfróntase á ameazas máis destrutivas, incluíndo unhas cantas invasións alieníxenas, viaxes interestelares, e a todo o panteón de superviláns de Marvel Comics. 

Artigos relacionados

- Dez grandes películas…

- O novo cine na casa