Repsol YPF

Con todos estes datos, o especialista poderá facilitarte as opcións que máis se axustan ás túas necesidades así como a cantidade de frigorías precisas para lograr a climatización idónea. Un erro moi común por parte do consumidor é crer que a maior número de frigorías maior conforto ambiental. Este é totalmente equivocado, pois o equipo custarache máis para conseguir o mesmo, e dilapidarás enerxía. Un grao máis de frío por debaixo da temperatura considerada ideal no fogar en verán, supón un consumo enerxético do 8%. Segundo o Instituto para a Diversificación e Aforro da Enerxía, IDAE, a temperatura axeitada no interior dunha vivenda non debe superar os 12º de diferenza co exterior para conseguir unhas condicións saudables e de consumo eficiente. Uns 25º en verán e entre 20º e 22º en inverno son os valores recomendados por este organismo. 

Etiquetaxe e certificación dos equipos

A elección do aparello de ar acondicionado pasa tamén pola revisión da súa etiquetaxe, de forma que poidas saber as diferenzas entre uns e outros en virtude dos rexistros que incorporan. Todos deben incluír os seguintes datos: fabricante, tipo de aparello, potencia de refrixeración, consumo estimado anual, índice de eficiencia enerxética, e clase enerxética á que pertence (letra do A ao G, sendo a mellor o A). As unidades portátiles deben incorporar obrigatoriamente a información sobre o ruído en decibelios. As etiquetas ecolóxicas tamén se amosarán se o aparello inclúe algunha certificación ambiental, así como outros selos e logotipos de asociacións ou entidades que avalen outros valores do equipo. Indubidablemente, os mellores aparellos de ar acondicionado son os de clase A ou superior, A+ y A++.  

Tipos de aparellos    

Os máis habituais son os denominados split. Contan cunha unidade interior  (evaporador e ventilador) e outra exterior (compresor) situada na fachada, nun balcón ou nunha terraza. O elemento exterior debe colocarse nunha área sombría que apenas reciba radiación solar. Se polas condicións da súa vivenda, este aparello debese situarse nunha zona moi soleada, convén que o instalador o protexa cun tellado por encima. As dúas unidades van conectadas por tubos. O sistema split ten diversas variantes, como o portátil, que dispón dos mesmos elementos que o anterior, pero está concibido para que o compresor ou unidade exterior non se fixe á fachada, senón que se coloque nun balcón ou terraza. Así, pódese trasladar a distintas estancias, sempre que estas teñan acceso a unha área exterior. 

Outra modalidade é o multi split, que incorpora un equipo exterior e varios interiores. Entre as vantaxes dos modelos split, a máis importante é que ao ter o compresor no exterior, practicamente non xera ruído no fogar, incluso hai propostas extremadamente silenciosas e con tecnoloxía punteira en materia ecolóxica e na minimización do nivel vibratorio do compresor. 

Outros equipos de ar acondicionado son os monobloques, que concentran o compresor, evaporador e ventilador nunha única unidade interior. Non precisan instalación. Dispoñen dun tubo que se debe colocar nunha ventá ou apertura ao exterior. Son máis ruidosos, consumen máis enerxía que outras propostas e a súa potencia para arrefriar é menor que a dos splits. Hainos transportables (os clásicos pingüíns), e en xeral, estes aparellos só se aconsellan se a vivenda  non permite a instalación de modelos fixos (pola súa antigüidade ou por tratarse dun piso en aluguer), ou se se van a empregar para tempadas cortas en segundas residencias.

Por último está a bomba de calor, unha boa opción para as vivendas de zonas con climatoloxía agradable, pois este equipo reúne ar acondicionado e calefacción no mesmo elemento, e polo tanto, é perfecto naqueles lugares que non soportan fríos extremos. Porén, ao ter ambas funcións nunha única unidade, a potencia para arrefriar ou quentar é menor que con dous aparellos independentes. 

Artigos relacionados

- Gana la batalla al calor

- Illa o teu fogar do frío inverno