Repsol YPF

O principal obxectivo desta nova normativa consiste en poñer ao día os ascensores antigos dos edificios residencias e comerciais; para lograr incrementar a súa seguridade e diminuír o desfase que existe, actualmente, entre os vellos elevadores e os aparatos modernos. O real decreto afecta aos ascensores instalados antes do 1 de agosto de 1997 e incorpora novas esixencias para aumentar a seguridade do usuario e dos técnicos que traballan con estes equipos. Algunhas das medidas para mellorar a seguridade nos ascensores son: a incorporación na cabina do ascensor de interfonos de emerxencia, en contacto permanente co servizo de avarías, así como a instalación de alarma e sistema de iluminación automáticos que se activen ante calquera incidente; a dotación dun sistema de parada,  que actúe cando o ascensor non funcione; a instalación dun dispositivo, que impida o peche das portas se o ascensor non arranca; e a incorporación dunha chapa que cubra o oco do foso cando o elevador se deteña entre dous pisos. O real decreto tamén establece algunhas prescricións para os operarios, destinadas a incrementar a súa seguridade no traballo, como: a colocación no foso dun interruptor de parada, un de iluminación do oco e unha toma de corrente.

Actualmente,  son moitas as comunidades de veciños que xa afrontaron estas obras para adecuar os seus elevadores antigos ás esixencias actuais, pois,  o prazo estipulado polo Goberno finaliza no 2010. O desembolso pode ser de 200 a 3.000 euros,  en virtude do número de modificacións que haxa que acometer. Sen dúbida, a reforma máis cara é a que afecta ao cambio da cabina do ascensor, si así o estima oportuno a inspección autorizada.

Reformas, mantemento e revisión

A seguridade nos ascensores pasa por subscribir un contrato de mantemento e revisión co fabricante ou coa empresa instaladora, de forma que se controle o funcionamento deste unha vez ao mes. Ademais, é imprescindible realizar as inspeccións dos organismos pertinentes (cada catro anos nos inmobles de máis de vinte veciños e cada seis anos nos restantes).

A contratación dun servizo de mantemento e revisión, por parte da comunidade de propietarios, é moi importante, tanto para ascensores antigos como para elevadores novos. Non é aconsellable que estas actuacións queden en mans do porteiro do edificio ou dunha persoa non acreditada. Se no edificio onde se encontra a túa vivenda, tedes que realizar obras para mellorar a seguridade do ascensor, o real decreto de 2005 establece no seu artigo 2 que: as reformas de importancia realizaranas empresas conservadoras que dispoñan no cadro persoal, en xornada laboral completa, como mínimo, dun técnico titulado, enxeñeiro superior ou enxeñeiro técnico, como responsable técnico e cinco operarios capacitados dos cales tres teñan, cando menos, a categoría de oficial ou equivalente.

Elevadores modernos 

Se pertences a unha comunidade de propietarios que está valorando a instalación dun ascensor, é recomendable que optedes por un elevador moderno que incorpore todas as  medidas esixidas polo Goberno, en materia de seguridade nos ascensores. Que as supere, é dicir, que aposte por especificacións avanzadas, que co tempo serán de utilidade para a veciñanza aínda que, en principio, supoñan un investimento maior. Se hai espazo, elixide unha cabina de ascensor ampla, na que poida entrar facilmente unha cadeira de rodas; vixiade o consumo enerxético do aparato (actualmente hai propostas de eficiencia enerxética con paneis solares fotovoltaicos); e informádevos sobre os novos conceptos para conseguir o denominado “psicoconfort”, que consiste na comodidade visual, física e acústica; isto é, elevadores silenciosos que non emiten olores e cunha iluminación óptima.

Artigos relacionados

- A elección do porteiro perfecto 

- Dispositivos de seguridade para o teu fogar