Repsol YPF

O Grande Premio de España foi un monólogo de Kimi Räikkönen que saía dende a pole e controlou perfectamente a carreira ata que viu a bandeira a cadros. O finlandés soubo manter a vantaxe sobre os seus perseguidores e tan só tivo que espremer un pouco máis o seu Ferrari nun par de momentos puntuais, cando se retirou o coche de seguridade. Con esta vitoria “aceman” amplía a súa vantaxe sobre os seus máis inmediatos perseguidores na clasificación xeral do Mundial.

Felipe Massa, segundo piloto de Ferrari, arrebatoulle o segundo posto a Alonso na saída e non o abandonou ata o final. O brasileiro, cuestionado tralas primeiras carreiras, está empezando a render ao nivel que se espera del. Lewis Hamilton fíxose co terceiro posto logo dunha bonita disputa con Kubica, que tivo que conformarse coa cuarta posición. Quinto foi Mark Webber, asinando a mellor clasificación dun Red Bull esta tempada.

Fernando Alonso, pola súa banda, non puido dar unha alegría aos máis de cen mil espectadores que abarrotaban as bancadas do Circuíto de Cataluña. O asturiano tivo que abandonar cando ía quinto por un fallo no motor. O piloto español mostrouse un pouco decepcionado “por non poder dar unha alegría aos aleccionados”. A pesar diso, estaba contento polo rendemento do R28, co que puido loitar cos mellores. O piloto de Renault manifestou que “a mellora é evidente, a partir de agora ímonos a divertir.”

O GP de España rematou coas seguintes posicións:

1 Räikkönen (Ferrari)
2 Massa (Ferrari)
3 Hamilton (McLaren Mercedes)
4 Kubica (BMW Sauber)
5 Webber (Red Bull)
6 Button (Honda)
7 Nakajima (Williams)
8 Trulli (Toyota)

A clasificación do Mundial de Pilotos queda así:

1 Räikkönen 29
2 Hamilton 20
3 Kubica 19
4 Massa 18
5 Heidfeld 16
6 Kovalainen 14
7 Trulli 9
8 Webber 8

Clasificación do Mundial de Construtores:

1 Ferrari 47
2 BMW Sauber 35
3 McLaren 34
4 Williams 12
5 Toyota 9
6 Red Bull 8

27/04/2008