Repsol YPF

A desta fin de semana será a 59ª edición do GP de Gran Bretaña e a 42ª ocasión no que este se celebra no circuíto de Silverstone, un dos máis esixentes do calendario. Trátase dunha pista dura para os pneumáticos, polo que os monoprazas sairán cos compostos medios e duro de Bridgestone. A maior parte deste trazado é rápido, con curvas de alta velocidade, pero tamén hai unha zona máis lenta antes da recta principal.

O Mundial de F1 chega esta fin de semana ao ecuador dun dos campionatos máis igualados dos últimos anos. Tan só dez puntos separan aos catro primeiros clasificados na xeral: Felipe Massa, Robert Kubika, Kimi Raikkonen e Lewis Hamilton. Ademais, todos eles lideraron a táboa nalgún momento da tempada, o que demostra a rivalidade que se está vivindo na presente tempada.

Lewis Hamilton chega como un dos favoritos para este Gran Premio, e é que o de Mclaren corre na casa. “Gañar a túa carreira na casa é algo que cada piloto quere conseguir”, explica o inglés. Pola súa banda, Felipe Massa quere reafirmarse no primeiro posto da táboa mentres que o seu compañeiro de equipo Kimmi Raikkonen aspira a roubarlle o liderado ao brasileiro. Os tres pilotos deberán de loitar contra o BMW de Robert Kubika, que ocupa a segunda posición da xeral tralo seu gran inicio de tempada. Por último, o español Fernando Alonso quere resarcirse do mal sabor de boca da proba francesa e conseguir máis dun punto esta fin de semana.

02/07/2008

Últimas noticias

> Vitoria e liderato para Massa en Magny Cours
> Primeira liña de grella para Ferrari en Magny Cours