Repsol YPF
Ruta
Pantano sobe ao podio e Javi Villa finaliza sexto na segunda carreira de GP2
Na segunda carreira da fin de semana os pilotos do equipo Racing Engineering tiveron unha destacada actuación. O veterano Giorgio Pantano finalizou en terceira posición, desquitándose do cuarto posto conseguido na xornada do sábado. Javier Villa, pola súa banda, realizou unha boa carreira e acabou en sexta posición. A vitoria foi para Kobayashi seguido de Buemi.
O italiano Giorgio Pantano puido desquitarse e logrou unha meritoria terceira posición, tras quedar co mel nos beizos na carreira do sábado. Con este podio Pantano colócase terceiro na xeral do Mundial. O seu compañeiro en Racing Engineering, o asturiano Javier Villa, finalizou en sexta posición, un posto que se axusta máis ás súas posibilidades que o décimo cuarto obtido na primeira carreira da fin de semana. Haberá que esperar ás próximas carreiras para valorar o potencial real do español, que está chamado a ser un dos “líderes” da categoría.
O xaponés Kobayashi adxudicouse a vitoria por diante do suízo Sebastián Buemi. O piloto nipón viuse beneficiado por unha penalización que sufriu Roman Grosjean a falta de tres voltas cando ía líder, e que o relegou ata a décimo terceira posición. O brasileiro Bruno Senna foi cuarto e encabeza o Mundial de pilotos empatado co portugués Álvaro Parente, que trala súa vitoria na primeira carreira foi sétimo na segunda.
27/04/2008
Nota informativa: Tradución do orixinal en castelán. No caso de calquera discrepancia, prevalecerá a versión en castelán.