Repsol YPF

A escuadra, que foi fundada no ano 2005 polo piloto xaponés Aguri Suzuki, sufriu un duro revés fai dúas semanas cando o grupo británico Magma, que estaba interesado na compra do equipo, informou que retiraba a súa oferta. Desde entón a dirección de Super Aguri intentou saír adiante e a semana pasada mantivo conversacións coa compañía WEIGL Group AG, pero finalmente a escuadra fixo público hoxe un comunicado no que dá a coñecer a súa retirada do Mundial.

“En orde a cumprir o meu soño de ser propietario dun equipo de F1, conseguín un lugar no Mundial en novembro de 2005. Desde entón participamos durante dous anos e catro meses como Super Aguri F1, pero desgraciadamente debo informar de que o equipo cesará nas súas actividades a partir de hoxe”, explica Aguri Suzuki no comunicado. “Gustaríame expresar o meu máis profundo agradecemento a Honda, Bridgestone, aos patrocinadores e a todo o mundo que nos apoiou en determinadas situacións”.

O xefe da escuadra ten palabras tamén para os seus pilotos, Antoni Davidson “que sempre traballou ao límite en difíciles condicións”, e Takuma Sato, “que estivo desde o principio e sempre loitou duro”; así como para o resto do persoal do equipo “que mantivo alta a súa motivación e sempre o fixo o mellor posible”.

06/05/2008

Últimas noticias

> Cómoda vitoria de Räikkönen en Montmeló
> Räikkönen e Alonso sairán dende a primeira liña da grella