Repsol YPF
Banner
Barra de Herramientas Portada
Ruta
Villa e Pantano, ao asalto de Turquía
O Mundial das GP2 Series fai este fin de semana a súa segunda parada no circuíto de Turquía, onde compartirá protagonismo coa categoría raíña, a Fórmula 1. A competición arrincou fai dúas semanas desde Montmeló, cunha boa actuación dos pilotos Repsol. Esta vez o escenario será o espectacular trazado de Istambul Park, desde onde Javi Villa e Giorgio Pantano tratarán de confirmar as boas sensacións mostradas en Barcelona.
A tempada deixou un podio, un cuarto posto e unha sexta posición como bagaxe final na escuadra Racing Engineering. Agora, a competición dá un segundo paso e chega a Istambul onde se disputará a carreira nun circuíto que aterrou no automobilismo nas últimas tempadas.
O trazado turco é un dos máis peculiares do calendario. Famoso pola súa “curva 8”, con catro vértices que se toman cun vertixinoso aumento da velocidade, Istambul Park caracterízase, ademais, polo seu contraste. A pista presenta unha sucesión de cambios de pendente, con continuas subidas e baixadas, e as consecuentes curvas “cegas”.
Para esta nova cita os pilotos do equipo Racing Engineering aspiran a seguir na boa liña de Barcelona e acabar entre os postos de cabeza. Javi Villa e Giorgio Pantano confirmaron na pista catalá as boas sensacións da pretempada e estiveron entre os primeiros durante o fin de semana.
07/05/2008
Últimas noticias
> Novo monopraza para as GP2 Series 2008
> Pantano sobe ao podio e Javi Villa finaliza sexto na segunda carreira de GP2
Nota informativa: Tradución do orixinal en castelán. No caso de calquera discrepancia, prevalecerá a versión en castelán.