Repsol YPF

A tempada das GP2 Series chega xa á súa ecuador esta fin de semana, coa disputa en Silverstone da quinta proba do seu calendario. Á pista inglesa acode Racing Engineering con dous claros obxectivos, manter o liderado na clasificación de pilotos, que actualmente ostenta con Giorgio Pantano, e facerse coa primeira praza na de equipos, na que é agora mesmo segunda a só tres puntos da cabeza.

A Fórmula 1 chega á terra de Lewis Hamilton para disputar a novena cita do Mundial, unha cita que marcará o ecuador da tempada e na que se auguran novos cambios na clasificación, a teor de que tan só dez puntos separan aos catro primeiros pilotos da clasificación. O circuíto de Silverstone, caracterizado por ser unha pista de alta velocidade, é un dos máis antigos do Mundial.

Nunha trepidante carreira Massa fíxose coa vitoria no GP de Francia. Viuse favorecido por un problema mecánico de Räikkönen que relegou ao finlandés á segunda posición. Ao terceiro caixón do podio subiu Trulli tras manter unha bonita loita con Kovalainen que terminou cuarto. Alonso nunha mala carreira non puido máis que ser oitavo.

O piloto do equipo Racing Engineering, Javier Villa, finalizou en décimo lugar a segunda carreira de GP 2 en Magny Cours. Giorgio Pantano, trala súa grande vitoria do sábado, tivo que abandonar por problemas mecánicos mediada a carreira. Nunha xornada complicada debido á inestabilidade climatolóxica a vitoria foi para Buemi, seguido de Buurman e Filippi.

O piloto do equipo Racing Engineering, Giorgio Pantano, fíxose coa súa segunda vitoria da tempada na primeira carreira do Grande Premio de Francia. No podio acompañárono Di Grassi en segunda posición e Maldonado en terceira. Javi Villa acabou nunha discreta décimo cuarta posición.

Os pilotos da escudaría italiana dominaron por completo a sesión de clasificación do Grande Premio de Francia e conseguiron as dúas primeiras posicións da grella de cara á carreira do domingo. Räikkönen foi primeiro e Massa segundo, deixando en terceira posición a Fernando Alonso. Trulli sairá dende a cuarta posición e Kovalainen dende a quinta. Hamilton partirá décimo terceiro pola sanción que arrastra do pasado GP de Canadá.