Repsol YPF
Ruta
Hayden exhíbese en Indianápolis
O piloto estadounidense brindou esta fin de semana aos espectadores das 500 Millas de Indianápolis un adianto do que poderán ver en setembro cando o mítico circuíto albergue un GP do Mundial de MotoGP. Diante de 250.000 espectadores Hayden realizou unha volta de exhibición antes da popular competición e foi recibido como un auténtico heroe pola afección.
Nicky Hayden foi o último estadounidense en proclamarse campión do Mundo de MotoGP (logrouno no ano 2006), e como tal converteuse no abandeirado deste deporte no seu país. A principios de abril, o piloto Repsol foi o encargado de realizar a primeira volta ao novo trazado de Indianápolis. Esta vez o campión foi reclamado para realizar unha exhibición ante unha das probas deportivas máis multitudinarias do mundo.
A lombos da súa Repsol Honda de 800cc, Hayden completou unha volta ao trazado facendo gozar aos seus. O estadounidense mostrouse, ademais, moi ilusionado coa proba que se disputará nese mesmo trazado o próximo 14 de setembro, a tan só tres horas en coche da súa cidade natal, Owensboro, en Kentucky.
O piloto cualificou de “fantástico” tanto o poder dar unha volta ao circuíto antes das 500 Millas de Indianápolis, como o poder “mostrar aos afeccionados o que é MotoGP”. Era a primeira vez na súa vida que acudía a este evento e Hayden acabou encantando. “Só espero que algúns dos afeccionados que me viron hoxe sobre a moto volvan en setembro. Promete ser un evento fantástico!”, expresou.
• Os segredos do box, no blog dos mecánicos do Repsol Honda Team
• Circuíto de Indianápolis
• Todos os datos estatísticos, no Buscador máis completo de Internet
• Así está o Mundial
27/05/2008
Últimas noticias
> Okada probará en Mugello o novo motor de Honda
> “Dedico tots els meus somnis a aconseguir que els nostres pilots puguin guanyar”
Nota informativa: Tradución do orixinal en castelán. No caso de calquera discrepancia, prevalecerá a versión en castelán.