Repsol YPF

O Mundial de MotoGP volve a Europa para dar inicio a un periplo polo vello continente que durará nove semanas e nas que se disputarán ata seis grandes premios. O español Dani Pedrosa chega ao circuíto de Le Mans á fronte da clasificación e coa intención de conquistar un novo podio que o suba, aínda máis, nesa primeira posición. Nicky Hayden, pola súa banda, chega a Francia co obxectivo de acabar entre os tres primeiros.

O mítico circuíto de Le Mans vai vivir esta fin de semana unha xornada apaixonante. O inicio da tempada foi espectacular e o campionato entra agora nunha fase decisiva con sete probas en dez semanas. Os tres primeiros clasificados do Mundial, Dani Pedrosa, Jorge Lorenzo e Valentino Rossi, están separados por nove puntos. O piloto Repsol, que non se baixou do podio no que vai de ano, lidera a clasificación.

Ademais, este é un circuíto que mantén unha moi boa relación co español, que venceu a proba de 125cc en 2003 e as de 250cc de 2004 e 2005. Ademais, no seu primeiro ano en MotoGP acabou terceiro e a tempada pasada realizou a súa mellor carreira sobre mollado neste trazado asinando un cuarto posto. De cara a este ano, a meteoroloxía volve ser protagonista, xa que o tempo pode cambiar dun día para outro e a choiva é unha constante ameaza.

Pola súa banda, Nicky Hayden chega ao circuíto francés coa intención de recuperar as boas sensacións e acabar entre os tres primeiros para poder subir ao podio por primeira vez neste ano 2008. O inicio de tempada do estadounidense non foi todo o bo que esperaba pero o campión do Mundo de 2006 espera comezar o periplo europeo cun éxito en Le mans.

Non o terán fácil os pilotos Repsol. Un recuperado Jorge Lorenzo, segundo na clasificación do Mundial, intentará diminuír a distancia que Pedrosa ten sobre el, mentres que o italiano Valentino Rossi tratará de escalar postos na clasificación, algo que tamén intentará o australiano Casey Stoner.

Horario GP Francia:

Sábado, 17 de maio.
• 13:10. Clasificación 125cc
• 13:55. Clasificación MotoGP
• 15:10. Clasificación 250cc

Domingo, 18 de maio.
• 11:00. Carreira 125cc
• 12:15. Carreira 250cc
• 14:00. Carreira MotoGP

> Dani Pedrosa escribe no seu Blog sobre o GP de Francia

Participa no Desafío Repsol!

• Envía unha mesaxe a Dani
• Os segredos do box, no blog dos mecánicos do Repsol Honda Team
• Todos os datos estatísticos, no Buscador máis completo de Internet
• Circuíto de Le Mans
• Así foi a última proba: Gran Premio de China
• Así está o Mundial
• Próximas citas

14/05/2008

Últimas noticias

> Pedrosa e Le Mans, unha parella de éxitos
> Os pilotos Repsol, preparados para Le Mans