Repsol YPF
Ruta
Loeb consegue a vitoria e o liderato do Mundial en Grecia
A última xornada do Rally Acrópole serviu para certificar a vitoria de Loeb, moi superior durante toda a proba. Petter Solberg en segunda posición e Hirvonen en terceira, escoltaron ao piloto francés no podio. O cuarto posto final foi para o mozo Aava e o quinto para Dani Sordo, beneficiados ambos polos problemas de Wilson e Henning Solberg na etapa dominical.
Sebastien Loeb conseguiu en Grecia a súa quinta vitoria do ano, segunda de forma consecutiva, que lle outorga o liderato do Mundial cando levan disputadas sete probas. É curiosa a situación do galo esta tempada, xa gañou tódalas carreiras que conseguiu finalizar. Con este novo triunfo, Loeb sitúase como líder do Campionato do Mundo con cincuenta puntos, avantaxando en tan só un a Hirvonen.
Finalmente, as dúas prazas do podio restantes foron para Solberg e Hirvonen. O noruegués do equipo Subaru rendeu a un gran nivel durante toda a fin de semana, pondo de manifesto que o novo Subaru Impreza que se estreaba aquí en Grecia, pode devolver todo o máis alto á escudaría xaponesa. Mentres, Hirvonen subiu á terceira praza, ao verse beneficiado dos problemas no motor do maior dos Solberg que o relegaron ata a oitava posición.
O estoniano Urmo Aava recibiu un premio á súa constancia e conseguiu finalizar en cuarta posición a esixente proba helena. O nova piloto de Citröen estivo nas posicións punteiras toda a fin de semana e conseguiu un premio que seguramente nin imaxinaba, ao comezo. Dani Sordo finalizou en quinto lugar, favorecido polos problemas de Wilson e Henning Solberg nas primeiras especiais do día.
1/06/2008
Nota informativa: Tradución do orixinal en castelán. No caso de calquera discrepancia, prevalecerá a versión en castelán.