Repsol YPF

O Rally italiano transcorrerá sobre un terreo que destaca, ademais, por contar cuns tramos reducidos e estreitos, algo que sen dúbida suporá un difícil reto aos pilotos que deberán controlar as súas ganas de correr para poder evitar as rochas que bordean os camiños polos que discorre a carreira. Por outra banda, o Rally de Sardeña contará cun final de película e é que o último tramo curto discorrerá ao redor do complexo do hotel de 5 estrelas "Cala di Volpe”, vivenda de James Bond na película “A espía que me amou”.

Sebastién Loeb, segundo clasificado do Mundial, chega como favorito a un Rally no que logrou a vitoria nos anos 2005 e 2006. Unha vitoria que a punto estivo de repetir o pasado ano pero que perdeu por un erro. O seu obxectivo para esta nova edición é volver subir ao máis alto do podio, algo que intentará impedir o líder do Mundial, Mikko Hirvonen.

Pola súa banda, o español Daniel Sordo móstrase positivo de cara a esta proba na que pretende recuperar as boas sensacións mostradas en Xordania, onde finalizou en segunda posición. Sobre o trazado desta cita, o piloto de Citröen recoñece que non se trata do seu rally favorito. “Creo que será complicado e que os pneumáticos xogarán un papel clave”, explicou.

14/05/2008

Últimas noticias

> Hirvonen adxudícase o primeiro Rally de Xordania
> Sordo mantén as súas opcións de vitoria