Repsol YPF

A primeira metade do campionato Mundial despídese antes do descanso estival co Rally de Turquía, unha proba que volve ao calendario para acoller unha nova e apaixonante loita entre os pilotos aspirantes ao título mundial. Tan só un punto separa aos dous primeiros clasificados do xeneral, Mikko Hirvonen e Sébastien Loeb, quen se empoleirou na primeira posición tras a pasada cita de Grecia.

A última xornada do Rally Acrópole serviu para certificar a vitoria de Loeb, moi superior durante toda a proba. Petter Solberg en segunda posición e Hirvonen en terceira, escoltaron ao piloto francés no podio. O cuarto posto final foi para o mozo Aava e o quinto para Dani Sordo, beneficiados ambos polos problemas de Wilson e Henning Solberg na etapa dominical.

Nunha etapa marcada polos numerosos incidentes que sufriron a maioría de pilotos, Loeb conseguiu manter o liderato. En segundo lugar situouse Petter Solberg, seguido do seu irmán Henning. O cuarto posto ocúpao Hirvonen e o quinto o estoniano Aava. Sordo sufriu un problema na última especial do día e baixou á sétima posición.

Os dous pilotos do equipo oficial de Citröen ocupan o primeiro e segundo posto do Rally Acrópole despois da primeira xornada de competición. Loeb é o líder e Sordo segundo a pouco mais de quince segundos. Petter Solberg é terceiro, por diante do seu irmán Henning, que marcha cuarto.

O Mundial de Rallys chega a terras gregas para celebrar unha das citas máis clásicas do seu calendario: o Rally de Acrópole. A sétima proba do campionato é unha das máis duras do ano debido á combinación dunhas especiais moi esixentes e unhas condicións extremas. A novidade este ano reside nun pequeno cambio do percorrido que recupera a vella tradición de acabar aos pés da Acrópole ateniense.

A última xornada do Rally de Italia non deparou sorpresas na clasificación. Finalmente, Loeb mantivo o primeiro posto ata o final, por diante dos Ford de Hirvonen e Latvala que foron segundo e terceiro, respectivamente. Galli finalizou en cuarta posición por diante de Dani Sordo, que foi quinto.