Repsol YPF

O balance deste Rally foi moi positivo para Viladoms, xa que ao marxe da especial na que se perdeu e cedeu quince minutos, e a primeira especial de onte na que tivo que abrir pista, no resto de especiais do Rally marcou tres segundas posicións, dous terceiros, e un quinto posto a menos dun minuto do primeiro. O piloto Repsol rodou sempre ao ritmo do vencedor, Logo, chegando ata a adxudicarse a terceira etapa. Jordi Viladoms puido demostrar que volve estar en plena forma e que se se toma as cousas con calma e sen precipitarse, pode ser un rival duro grazas aos seus dotes navigando e a súa velocidade ao manillar.

A etapa contaba cunha primeira especial de 47 quilómetros, moi técnica e lenta. O percorrido ía pola montaña, con subidas e baixadas moi fortes con moita pedra. Ademais das grandes rochas que había na pista de hoxe, tiveron que sortear grandes fendas na montaña formadas pola choiva, que ralentizaron moito o ritmo. A segunda especial, de 55 quilómetros, tamén foi pola montaña, pero cambiou moito o tipo de pistas. Foi unha especial moi bonita pola carena dunha serra a moita altitude, con cambios de rasante, pero que permitiu rodar máis rápido.

Jordi Viladoms
“Foi moi ben, e estou moi contento por todo o rally, xa que en realidade só houbo dúas das nove especiais nas que perdín tempo: cando me perdín, e na primeira das que tiven que abrir pista. No resto, sempre estiven entre os tres primeiros, excepto nunha que quedei quinto a un só minuto do gañador, así que cando non pasou nada, estiven diante. Había tempo que non me atopaba tan ben. Hoxe foi un día complicado e técnico, con moitísima pedra, pero foime ben. É unha motivación moi grande para min estar tan preto de Cyril en case tódalas especiais.”

Jordi Duran, Team Manager
“A verdade é que podemos dicir que o rally foi bastante ben, xa que dentro do que cabe, Jordi Viladoms fixo unha grande evolución durante toda a carreira, pese a que tivo un problema nunha das especiais que lle custou quince minutos. Pero globalmente foi bastante positivo. O negativo foi a mala sorte que tivo Gerard Farrés ao chocar de cara con outro piloto, xa que non foi culpa súa, senón que o outro piloto perdeuse e atopouse con el que ía na boa dirección. Creo que Gerard [Farrés] estaba a facer unha boa carreira. É un rally moi bo para aprender a navigar, xa que hai moitos cambios de dirección, moi xuntos. É certo que nesta carreira non hai GPS, pero o roadbook é moito máis difícil que en África, xa que as pistas son moito máis pequenas con moitos máis cruzamentos, que esixen estar moi atento e dominar o manexo do roadbook. Ao final Jordi [Viladoms] hoxe volveu quedar segundo, o que demostra que volve coller o ritmo e a forma. Esperemos que en Brasil siga nesta liña e poida loitar polo podio.”

12/05/2008

Últimas noticias

> Positiva xornada para Jordi Viladoms en Sardeña
> Vitoria de Jordi Viladoms na 3ª etapa do Rally de Sardeña