Repsol YPF

Trala entrada en vigor o pasado 1 de xaneiro do novo imposto de matriculación en España, xa temos datos sobre o efecto que tivo nos petos dos condutores españois durante o primeiro cuadrimestre do ano. Unha media de 389 euros é a contía que se aforraron os condutores que adquiriron un vehículo durante estes primeiros meses do ano.

O mes de maio converteuse nun mes con novidades na normativa xeral de tráfico na que a DXT introduciu un cambio importante. A aprobación e entrada en vigor da reforma do Código Penal que establece como delito conducir sen ter obtido o permiso necesario ou licenza de conducir, tipifica penas de cadea ou traballos en beneficio da comunidade para os infractores.

O dispositivo especial que levou a cabo a Dirección Xeral de Tráfico durante estes días, co gallo da ponte do 1 de maio concluíu cun balance de tres vítimas menos na estrada que no mesmo período do ano pasado. Así mesmo, o mes de Abril rematou cun balance positivo, xa que se reduciron os accidentes ao volante de maneira importante en relación ao 2007.

A Dirección Xeral de Tráfico puxo en marcha o dispositivo especial para a regulación e ordenación da circulación durante esta ponte festiva, coa intención de dar servizo aos preto de 6,6 millóns de desprazamentos de longo percorrido estimados por Tráfico. Para este dispositivo especial, a DXT ampliou as medidas tomadas durante o mesmo período do ano pasado.