Repsol YPF

Lavar o coche adoita converterse nunha tarefa que poucos usuarios de vehículos realizan dun xeito eficiente, sen gastar demasiados cartos e con resultados óptimos. Para un lavado con bos resultados, o primeiro que hai que ter en conta é que cómpre seguir unha orde para o levar a cabo. Por iso, é recomendable comezar polas rodas, e o mellor é aplicar algún produto que desengraxe ben e que nos aforrará tempo, pero sempre evitando produtos químicos moi agresivos, que poderían deteriorar os materiais.

Despois de rematar coas pinas, hai que seguir unha certa orde na limpeza da carrozaría do vehículo. Recoméndase comezar sempre pola parte superior, é dicir, o teito do coche, xa que a sucidade que este desprenda caerá polos laterais do coche, que a continuación limparemos. Unha vez que se enxaboa e aclara o coche, hai que evitar utilizar toallas ou outro tipo de tecidos para secar o coche, xa que estas poderían afectar o acabado da pintura do coche. Aconséllase secar cunha baeta ou algún tecido sintético que a substitúa.

Os cristais son unha das zonas nas que custa conseguir un bo acabado trala limpeza do vehículo. Un dos consellos máis estendidos e con mellores resultados é, sen dúbida, a utilización de papel de xornal para limpar os vidros do coche, acompañado dalgún produto específico para cristais. O acabado é mellor que se se utilizan toalliñas de papel ou outro tipo de panos.

> Máis consellos de mantemento para o coche

27/08/2008

Últimas noticias

> España pon freo á mortalidade nas estradas
> Renault Symbol: debuta no Salón de Moscova