Repsol YPF

O balance de Tráfico tras a campaña especial de control de alcoholemia deixou un total de 4.136 condutores con resultado positivo na proba de alcoholemia, realizada a 332.536 condutores durante a primeira quincena deste mes de xuño. Os axentes da Garda Civil instalaron máis de 800 puntos de control distribuídos polas estradas españolas con máis intensidade circulatoria.

Dos datos obtidos tras esta campaña conclúe cun discreto descenso do número de condutores que dan positivo na proba de alcoholemia, pasando do 1,26 por cento de condutores que deron positivo durante a campaña do pasado ano, ao 1,24 por cento de condutores infractores durante a campaña deste mes de xuño. Outro dato a ter en conta é o número de condutores que deron positivo nas vías urbanas. Os datos remitidos polos Concellos de máis de 25.000 habitantes deixaron un alto 2,95 por cento, en comparación co 1,24 por cento obtido na estrada.

Dos 4.136 condutores que deron positivo na proba de alcoholemia, 3.663 foron en probas preventivas, 253 por motivo de infracción, 196 por accidente e 24 por síntomas evidentes de embriaguez. Ademais do total de infractores, a 3.353 abríuselles un expediente de sanción por vía administrativa e aos 783 infractores restantes instruíronselles dilixencias para o seu posterior traslado á autoridade xudicial.

23/06/2008

Últimas noticias

> Os accidentes de tráfico custan 16.000 millóns de euros ao año
> Descenden as matriculacións de coches en Europa