Repsol YPF
Ruta
A seguridade está garantida no GP de Valencia
Máis de 6.000 axentes, sete helicópteros, varios barcos e un amplo dispositivo sanitario son algunhas das medidas incluídas no Plan de Seguridade que o Goberno central, a Generalitat e o Concello valenciano desenvolveron para o debut de Valencia como sede dun Gran Premio de Fórmula 1.Todo iso para garantir a seguridade dos máis de 200.000 afeccionados que pasarán este fin de semana pola cidade.
As previsións que se fixeron desde a organización falan de que serán máis 200.000 afeccionados os que pasen durante todo este fin de semana pola cidade de Valencia. Por mor diso, o Goberno central, a Generalitat e o Concello puxeron en funcionamento un plan especial que garanta a seguridade durante este fin de semana a todos os visitantes e ademais promova a imaxe da cidade ante os preto de 500 millóns de espectadores que sigan pola televisión o acontecemento deportivo.
Dos 6.000 axentes que velan pola seguridade neste Plan de Seguridade, 1.072 son membros do Corpo Nacional de Policía, outros 3.000 da Garda Civil, máis de 1.700 axentes da Policía Local e uns 100 da Policía Adscrita á Generalitat. A estes corpos súmase o corpo de 1.500 persoas das que dispón a empresa organizadora. O Goberno valenciano reforzou tamén o Centro de Coordinación de Emerxencias, cun 20 por cento máis de operadores.
Ademais de todo isto, púxose en marcha un dispositivo especial de actuación sanitaria no que se inclúen 87 profesionais e unha disposición de alerta para os hospitais máis próximos ao exterior do circuíto urbano. A seguridade tamén a garanten este fin de semana en Valencia o dispositivo material que conta con sete helicópteros e diferentes embarcacións.
22/08/2008
Últimas noticias
> O airbag: complemento perfecto do cinto de seguridade
> Opel Insignia: confort, seguridade e elegancia
Nota informativa: Tradución do orixinal en castelán. No caso de calquera discrepancia, prevalecerá a versión en castelán.