Repsol YPF

A cifra de beneficios dos fabricantes de automóbiles instalados en España durante o pasado ano 2007 colocouse nos 557 millóns de euros, unha cantidade que supón unha suba do 115 por cento en relación aos 258 millóns de ganancias que rexistrou o ano anterior 2006. A industria española de fabricación de vehículos, segundo os datos da Anfac, medrou até atinxir os 51.768 millóns de euros, unha mellora do 7,4 po cento en relación coas cifras manexadas no 2006.

En canto ao referido aos investimentos executados polos constructores nas súas plantas españolas, 2007 non foi un ano tan bo como 2006, xa que se produciu unha redución do 21 por cento. Deste xeito mentres no 2006 investíronse 1.615 millóns de euros, o investimento do pasado ano fíxose en 1.268 millóns. Esta redución dos investimentos débese en gran parte a que durante o 2006 a inxección económica tivo moito que ver coa produción de novos modelos nas factorías españolas.

Os datos ofrecidos pola Asociación Española de Fabricantes de Automóbiles e Camións, Anfac, cada ano deixan claro a importancia que ten o sector da automoción na economía española. Deste xeito o sector do automóbil representa o 4,9 por cento do PIB e tamén concentra o 9 por cento da poboación activa e supón máis do 21 por cento das exportacións e case o 16 por cento das importacións do país.

25/06/2008

Últimas noticias

> Preséntase o sistema "Opel Eye"
> A DXT fai balance da campaña especial do control de alcoholemia