Repsol YPF

A Gilera GP 800 supón un cambio de potencia e condución no que a scooters se refire. Ten unha liña dinámica e depurada, que segue unha base de pura raíz italiana. Cun frontal impoñente, a GP 800 ten unha forquita de grandes dimensións en aluminio e fixado directamente ás pancas do bastidor, un monoamortecedor hidráulico regulable segundo o peso de carga da moto. A nova scooter de Gilera monta dúas pinas de cinco radios ocos e aluminio, a posterior de15 polgadas e a dianteira de 16. Entre outras prestacións, a GP 800 ven cun cómodo freo de estacionamento, regulado por unha panca.

En relación ao motor, unha das principais características que diferencian esta scooter das da súa gama, a GP 800 ten un motor bicilíndrico de 90º e 839 centímetros cúbicos, con 4 válvulas por cilindro e 75 cabalos de potencia. O motor da nova scooter de Gilera ten unha refrixeración líquida e inxección electrónica. O equipo de escape está totalmente separado do bastidor para evitar completamente as vibracións.

Ademais das prestacións e o equipamento co que sae ao mercado a nova scooter de Gilera, a firma completa a moto cunha serie de complementos opcionais para elevar o nivel de confort que pode ofrecer a moto. Desta maneira atopamos entre eses elementos opcionais o baúl de 48 litros a xogo co vehículo, a posibilidade de instalar un respaldo para o pasaxeiro, antirroubo eléctrico ou, por exemplo, lona cubre-pernas.

18/03/2008

Últimas noticias

> Volven os Orange Day de KTM
> Rieju Pacific: polas rúas da cidade