Repsol YPF

Non hai dúbida de que a firma italiana ten unha familia xa extensa de scooters mais tamén está chea de contrastes, de xeito que tenta así adaptarse aos diferentes gustos e preferencias do mercado. A última novidade de Piaggio é o X7, unha scooter GT de gama media que combina a fiabilidade dos seus motores co deseño compacto e ergonómico para moverse con soltura dentro da cidade e fóra dela. A nova scooter do fabricante italiano está dispoñible no mercado en dúas cilindradas distintas, por unha banda a de 125 e por outra a de 150 centímetros cúbicos.

Entre as principais características desta moto, imos resaltar o seu deseño, cun amplo frontal que protexe ao piloto e o acompañante, cun posto de condución cómodo e ergonómico, que se adapta perfectamente ao piloto. O seu tamaño compacto non supón un impedimento para que esta nova scooter teña sitio baixo o asento para ofrecer un oco onde cabe un casco integral e outro tipo jet. O novo X7 está dispoñible en vermello mate, gris Pulsar, azul Medianoite e negro brillante.

En canto aos motores que ofrece esta nova scooter de Piaggio, lanza ao mercado dúas motorizacións de 125 e 250 centímetros cúbicos, monocilíndricos de 4T, 15 e 22 cabalos respectivamente, arrinque eléctrico e refrixeración líquida. Ademais, a firma italiana pon a disposición dos clientes un kit que inclúe dous da ampla gama de accesorios, como son un baúl portaobxectos e un casco X-Sport.

29/04/2008

Últimas noticias

> Suzuki Sixteen: elegante na cidade
> Peugeot Geo RS: deportiva de roda alta