Repsol YPF

Os datos ofrecidos pola Asociación Europea de Constructores de Automóbiles, ACEA, deixan un balance positivo tralos primeiros tres meses do ano, malia as cifras rexistradas no pasado mes de marzo. A pesar de ter unha cifra final de aumento do 1,4 por cento, o certo é que o sector do vehículo comercial se resentiu de maneira importante durante o mes de marzo debido en gran parte ás perdas acumuladas que supuxeron dous días laborables menos que o mesmo mes do pasado ano.

Por sectores, o lado menos positivo do balance márcano o mercado de vehículos comerciais lixeiros de até 3,5 toneladas, que caeu no trimestre un punto. A cara da moeda deste balance do primeiro trimestre do ano póñena, por un lado, o mercado de autobuses que rexistrou un aumento do 20,5 por cento, e por outro, o mercado de vehículos pesados cun aumento do 13,2 por cento.

Analizando o balance e a cifras oficiais ofrecidas pola ACEA durante o primeiro trimestre, pódense distinguir tamén contrastes importantes entre países, como por exemplo, os que deixan países como Alemaña, Francia, Italia e Reino Unido con signos positivos de aumento, que contrastan coa perda do mercado español, ao ser un dos de maior volume.

30/04/2008

Últimas noticias

> A chegada de Volkswagen dá aire a Scania
> Adiantar será máis doado para autocares e camións