Repsol YPF
Ruta
A chegada de Volkswagen dá aire a Scania
A firma Scania viviu unha situación desacougada durante os últimos tempos, pero parece que a chegada e toma de control de Volkswagen, tras facerse co 32 por cento do capital, afasta os fantasmas das OPAs. E é que a situación da firma sueca mantivo á empresa coa alma nun fío durante a última década, así, a chegada de Volswagen vese con bos ollos.
A firma Volkswagen pasou a ter o mando de acordo coa súa adquisición do 32 por cento do capital, ademais do 57 por cento dos votos do consello. Esta situación foi coa que mellor parada saíu Scania, que vía complicarse a súa situación por momentos. Situación satisfactoria xa que a firma sueca leva colaborando con Volkswagen dende 1948, importando vehículos da marca alemá no país nórdico.
Dende Scania recoñécese que o fabricante sueco beneficiarase do apoio de Volkswagen de xeito que medrará en canto a electrónica, loxística, etcétera, aínda mantendo a organización propia da empresa, pero máis fortalecida en canto a marketing e vendas. É dicir que Scania pasa a ser unha firma máis dentro do grupo que supón xa Volkswagen, mais actuando de xeito independente.
Un dos principais obxectivos de cara a este próximo ano, valorando a nova situación da empresa sueca, é incrementar a produción nun 10 por cento, para acabar cunha cifra superior en unidades de camións e autobuses, fronte á obtida no pasado exercicio do 2007.
23/04/2008
Últimas noticias
> Adiantar será máis doado para autocares e camións
> O primeiro taller de España de vehículos industriais
Nota informativa: Tradución do orixinal en castelán. No caso de calquera discrepancia, prevalecerá a versión en castelán.