Repsol YPF

Cada vez queda menos para que os amantes das clásicas furgonetas Volkswagen se dean cita na quinta concentración de furgonetas Volkswagen. Esta edición aproveita os días 14 e 15 de xuño, cadrando coa celebración dunha das probas do Campionato do Mundo de Windsurf, para se xuntar na praia de Sant Pere Pescador de Xirona. Esta quinta edición, que reunirá a centos de furgonetas en Xirona, ten preparado desfiles, premios e un completo programa de actividades para o fin de semana do 14 e 15 do próximo mes de xuño. Ademais das actividades que recollerá o programa, os afeccionados poderán gozar das probas do Campionato de Mundo que se disputan nesa mesma praia.

Entre as novidades do programa de actividades preparado para esta quinta edición, haberá actividades para os máis pequenos. Desta maneira, a organización prepara un concurso de pintura con furgonetas de cartón para nenos, ademais dun circuíto con furgonetas dirixidas por radiocontrol. O programa de actividades complétao a organización este ano co tradicional desfile de furgonetas, cinema ao aire libre, unha grellada e, por suposto, a entrega de premios ás mellores furgonetas nas distintas categorías establecidas.

14/05/2008

Últimas noticias

> Nemo Combi e Berlingo Furgón: primicia no Salón de Madrid
> Medra o mercado europeo de vehículos comerciais