Repsol YPF

A firma coreana Hyundai está a abrirse paso a modiño no complicado sector dos vehículos comerciais e monovolumes, no que están a conseguir transmitir seguridade no nivel de equipamento que ofrecen vehículos como o renovado H1. Agora, sae baixo a denominación de Hyundai i800 para a súa versión de turismo polivalente e H1 Van para o seu vehículo comercial.

A firma italiana Fiat deseñou unha nova versión do Fiorino, destinada a un uso máis familiar cun equipamento moito máis completo de serie e certos detalles do seu aspecto cambiados para esta nova versión. Fiat decidiu que este novo vehículo se lance ao mercado baixo o nome de Fiorino Cubo.

A firma Volkswagen Vehículos Comerciais lanzou ao mercado o novo Multivan United, modelo que substitúe ao anterior Multivan Atlante e que chega como unha edición limitada. Trátase dun modelo exclusivo, cun interior baseado na comodidade e o confort, cunha liña exterior atractiva e unha gama de motores e prestacións adecuada ás necesidades de hoxe en día.

O fabricante alemán mercedes-Benz concluíu recentemente a construción dun novo centro de probas para camións e vehículos industriais, incluído no seu proxecto a mellora dos seus procedementos de revisión e probas con este tipo de vehículos. O fabricante de automóbiles e vehículos comerciais investiu preto de 80 millóns en desenvolver este novo proxecto.